Komxebata ‘Têkoşîna Dijî DAIŞ’ê’ bi encamnameyekê dawî bû.
Di encamnameyê de hate gotin divê têkoşîna li dijî DAIŞ’ê bê xurtkirin, yekîtiya di navbera Rêveberiya Xweser, Başûrê Kurdistan, Iraq were xurtkirin û ji bo darizandina çeteyên girtî dadgeheke navneteweyî were avakirin.
Komxebata ku bi dirûşma ‘Têkoşîna Dijî DAIŞ’ê’ îro li Silêmaniyê hate lidarxistin bi encamnameyekê dawî bû.
Di encamnameyê de hate daxwaz kirin ku hemû alî û hêzên herêmî û cîhanî di mijara têkoşîna li dijî DAIŞ’ê piştgiriyê bidin Rêveberiya Xweser û Hêzên Sûriya Demokratîk.
Herwiha çareseriyeke lezgîn ji bo DAIŞ’î yên girtî û malbatên wan bê dîtin.
Xalên sereke ên di komxebatê de hatin eşkerekirin wiha ne:
-Êrîşa dawî ya li ser Girtîgeha Sînnaa ya Hesekê nîşan dide ku hê jî DAIŞ di nava liv û tevgerê de ye, ji bo hemû cîhanê metirsî ye.
-Divê tim piştevaniya navneteweyî hebe ji bo girtîgeh li gorî pîvanên girtigehên cîhanî çavdêrî û kontrola wê bê kirin.
-Ji bo darizandina çeteyên DAIŞ’ê divê piştgiriya hêzên navnetewî dadgehek bê avakirin.
-Pêwîst e kar bê kirin ku malbatên DAIŞ’ê vegerin welatên xwe. Her wiha ji bo çareseriyek hiqûqî divê alîkarî ji bo Rêveberiya Xweser a Bakur û Rojhilatê Sûriyê bê kirin.
-Ji ber qanûna Qeyser divê rewşa aborî ya herêmên Rêveberiya Xweser a li ber çavan bê girtin. Ji ber vê şaneyên razayî yên DAIŞ’ê ji ber vê yekê sûdê digire, dikevin tevgerê.
-Divê piştevaniya Rêveberiya Xweser bê kirin ku rewşa gelan baş bibe, ji bo ku bernameyek bê amadekirin ku jin û zarok dubare tevlî civakê bibin.
-Deverên ku ji aliyê dewleta Tirk a dagirker ve hatine dagirkirin, bûne navend û cihên leşkerî yên DAIŞ’ê. Divê li ser vê yekê hêz û aliyên herêmî zextê li dewleta Tirk bikin, da ku ji van herêmên dagirkirî derkeve.
– Tirkiye sûdê ji DAIŞ’ê digire, alozî û tevlîheviyê li Sûriyê û Bakur û Rojhilatê Sûriyê derdixe. Ji bo wê helwestekî xurt a navneteweyî girîng e.
-Divê di derbarê rewşa DAIŞ’ê ya li herêmê de çareseriyek hiqûqî bê peydakirin. Ji bo vê pêwîstî bi nîqaş û gotûbêja aliyên Sûriyê heye ku çareseriyek bê dîtin.
-Di mijara têkoşîna li dijî DAIŞ’ê metirsiya wê ya li ser Rojava û Başûrê Kurdistanê de, divê zêdetir di warê siyasî, aborî û leşkerî de têkilî di navbera Herêma Kurdistan û Rêveberiya Xweser de hebe.
-Divê rewşa Şengalê li ber çavan bê girtin, ji bo ewlekariyê piştevanî bê kirin ku welatiyên Şengalê vegerin. Divê piştgiriya madî û manewî bi Şengalê re bê kirin.
-Girîngî dayîna hevkariya di navbera Hêzên Sûriya Demokratîk û hêzên Iraqî de, li ser sînorên her du aliyan ji bo tevgera DAIŞ’ê ya li ser herêmê kêm bike ku berjewendiyên herdu aliyan biparêzin.
-Ji bo vekirina Deriyê Til Koçer û Rabîe divê zext li civaka navnetewî bê kirin.
