Serokwezîra Zelandaya Nû Jacinda Ardern li pêş lîderên cîhanê banga rakirina mafê vetoyê ya endamên daîmî yên Konseya Ewlekariyê ya NY kir.
Jacinda Ardern di Civata Giştî ya 77. a Neteweyên Yekbûyî de axivî û got,
“Divê veto ji holê bê rakirin û endamên daîmî (Konseya Ewlehiyê ya Neteweyên Yekbûyî) ji bo aştî û ewlehiya navneteweyî berpirsyariyên xwe bi cih bîne.”
Ardern anî ziman ku eger NY reforman nepejrîne, xetereya ku NY bibe saziyek “bêpêwendî” û wiha got:
“Ji bo vê rewşê ji dagirkirina Ukraynayê mezintir belkî mînakek tuneye.
Ev yek rasterast bi Peymana NY û rêgezên navneteweyî ve girêdayî ye.”
Her wiha got, divê civaka navneteweyî van nirxan biparêze.
Hêjayî gotinê ye Amerîka, Çîn, Rûsya, Îngilistan û Fransa endamên dayîmî yên Konseya Ewlekariyê ya NY ne.
Di rewşa veto ya yek ji van welatan de biryar û pêşniyara li civatê hatî kirin nayê pejirandin.
