Li DYA sibe hilbijartina navberê ya Kongrê wê pêk bê.
Beriya hilbijartinê Biden hişyariya demokrasiyê kir.
Ji aliyê din ve pêşbirka di navbera namzedên muhtemel ên serokomariyê yên di baskê Komarî de dest pê kir.
Serokê Dewletên Yekbûyî yên Amerîkayê (DYA) Joe Biden, beriya hilbijartinên navberê yên Kongresê ku sibe wê li welatê wî bên lidarxistin daxuyaniyek da.
Biden bal kişand ser girîngiya hilbijartina mijara gotinê.
Biden doh di mîtîngekê de li eyaleta New Yorkê di çarçoveya kampanyaya xwe ya hilbijartinê de axivî û got;
Çarenûsa demokrasiyê “bi rastî li ser sindoqan e”.
Biden ji welatiyan xwest piştgirî bidin namzeta Demokrat Kathy Hochul ku li eyaleta New Yorkê di hilbijartinê de li pêşberî namzetê Komarparêz Lee Zeldlin.
Serokê DYA’yê got:
“Ez bi van kesên ku hilbijartinan qebûl nakin henekê xwe nakim.
Ji bo wan tenê du îhtîmal hene: an bi ser ketin an jî hatin xapandin,”
Di rapirsiyên tên kirin de têkçûna demokratan xuya dike.
Ger wisa bibe, ew ê bikaribe gelek qanûnên ku endamên Komarparêz dixwazin di dema du salên mayî ya Joe Biden de derbas bikin veto bike.
Trump careke din li ser dîkê ye
Serokê berê yê Amerîkayê Donald Trump jî beriya hilbijartinên navberê navdemê yên Kongresê li bajarê Miami yê eyaleta Florîda de axivî.
Donald Trumpê 76 salî ku di hilbijartinên Kongreyê de ne namzet e û hîna eşkere nekiriye ku ew ê di Hilbijartinên Serokomariyê yên 2024’an de bibe namzed an na.
Trump careke din îdia kir ku di hilbijartina 2020’an de dengên wî hatine dizîn.
Trump her wiha bal kişand ser metirsiya ku ji “çepê radîkal” li welêt derdikeve.
Di nav Komarparêzan de Ronald Dion DeSantis ê 44 salî ku bi şopandina xeteke tund a mîna Donald Trump tê naskirin, ji aliyê din ve ji Trump bi dîsîplîntir û jîrtir tê dîtin.
