Partiya Îslamî ya Kurdistanê bi boneya pîrozkirina sersalê daxuyaniyek nivîskî da û got “sala nû wê ji bo gelê Kurd bibe sala azadiyê.”
Partiya Îslamî ya Kurdistanê bi boneya pîrozkirina sersalê daxuyaniyek nivîskî weşand.
Di daxwiyaniyê de ev yek hat gotin :
“Mixabin dewleta Tirk şerê di navbera Rûsya û Ûkranyayê de ji bo berjewendiyên xwe weke firsend dît..
Lewma bêyî ku dem derbas bike êrîşê Bakur û Rojhilatê Sûriyeyê kir.
Desthilatdariya AKP-MHP’ê ya faşîst stratejiya xwe ya komkujiyê li dijî gelê Kurd didomîne.
Mîna berê dîsa li Fransa êrîş bir ser Navenda Çanda Kurd a Ahmet Kaya û 3 Kurd qetil kir.
Hêvîdarin ku ev sala nû ji zilm û komkujiyên dîktatoran rizgar bibe.”
Partiyê tekez kir ku pêwîstiya gelê Kurd sala 2023’an bi aştiya navxweyî, xwişk û biratî û yekîtiyê heye.
