Tirkiye gav bi gav ber bi hilbijartinên serokomar û parlamenteriyê ve diçe.
Êdî namzetên serokomariyê jî diyar dibin.
Herî dawî Tifaqa milet Serokê CHP’ê Kiliçdaroglû weke namzetê xwe yê serokomariyê destnîşan kir.
Kiliçdaroglû jî ji ber peyamên pîrozbahiyê spasiya lîderan kir.
Li Tirkiyê ji bo hilbijartinên serokomarî û parlamenteriyê amadekariyên dawî têne kirin.
Tifaqa Miletê ji bo diyarkirina namzetê serokomariyê li avahiya Partiya Saadetê kom bûn.
Hemwextî wê, seroka Îyî Partiyê Meral Akşener ya mase terikandibû jî li maseyê vegeriya.
Tifaqa Miletê, piştî civîneke 4 saetan, daxuyand ku namzetê wan ê serokomartiyê Serokê Giştî yê CHP’ê Kemal Kiliçdaroglû ye.
Serokên partiyên cihê xwe di nava Tifaqa Mîletê de digrin li pey hef peyamên piştevaniyê dan.
Seroka ÎYÎ Partiyê Meral Akşener peyama “Em ê bi vîna miletê xwe dîrokê binivîsînin” parve kir.
Serokê Giştî yê DEVAyê Alî Babacan got,
“Namzedê me yê serokomariyê birêz Kemal Kiliçdaroglu ye.
Niha dema wê ye ku Tirkiye li hev bicive.”
DAVUTOGLU: EMÊ HEMÛ BI HEVRE QEZENC BIKIN
Serokê Giştî yê Partiya Gelecekê Ahmet Davutoglu li ser hesabê xwe yê Twîtterê wiha got:
“Weke Tifaqa Netewî namzedê me yê serokomariyê birêz Kemal Kiliçdaroglu ye.
Bila ji bo welat û miletê me feyde û feyde be.
Em ê bi hev re bi ser bikevin, di vê de yê winda bikin tine ne.”
Serokê Giştî yê Partiya Saadetê Temel Karamollaoglu li ser hesabê xwe yê Twîtterê wiha got:
“Namzedê me yê Serokomariyê yê hevpar Birêz Kemal Kiliçdaroglu ye. Bila ji bo welat û miletê me re li ser xêrê be.”
Seroka Giştî ya Partiya Demokratîk Gultekîn Uysal got,
“Namzediya Birêz Kemal Kiliçdaroglu wê ji bo welat û miletê me bi xêr be.”
Kiliçdaroglu ragihand ku serokên partiyên siyasî yên ku Tifaqa Netewî ava dikin jî wê wek cîgirên serokomariyê bin.
Ji Kiliçdaroglu bo lîderan peyama spasiyê
Serokê Giştî yê CHP’ê Kiliçdaroglu li ser hesabê xwe yê medyaya civakî bi etîketa serokên 5 partiyên din ên ku îtîfaqa milet pêk tînin ev tişt parve kir:
“Ji ber baweriya wan, ez spasiya serokên rêzdar ên Tifaqa Miletê dikim.
Niha rêyeke dirêj di destê me de ye, mil bi mil.
Em ê Komara xwe bi demokrasiyê tacîdar bikin.
Em despê dikin!”
Kiliçdaroglû pişt re sînevîzyona ku beşên axaftina xwe ya li ber Navenda Giştî ya CHP’ê bi peyama “Namzetên me” vedihewîne parve kir.
