Ji rojbûna Rêberê Gelan Rêber Apo re tenê çend roj man.
Mîna hemû waran, der barê rojbûna xwe û pêvajoya Îmraliyê de jî Rêber Apo nirxandin kirine.
Di vî warî de dibêje: “Pêvajoya Îmraliyê, pêvajoyeke dîrokî ye.
Hem ji bo Gelê Kurd û hem ji bo min, ev pêvajo vejîna sêyem e.”
4’ê Nîsanê rojbûna Rêber Abdullah Ocalan.
Rojbûna Rêber Apo bi çalakiyên cuda li her devera cîhanê tê pîrozkirin.
Mîna her warî, der barê rojbûna xwe de jî, Rêber Apo nirxandinên girîng dike.
Rêber Apo: Pêvajoya Îmraliyê vejîna sêyem e
Rêber Apo pêvajoya Îmraliyê hem ji bo Gelê Kurd û hem ji bo xwe weke vejîna sêyem pênase dike û wiha dibêje:
“Pêvajoya yekem, ji civaka gund a çandinî dest pê dike.
Ez serhildêrekî gund bûm. Ev serhildan heta derbasbûna civaka fermî berdewam kir.
Piştre bi dibistana seretayî û astên cuda re serhildana li dijî komara olîgarşî berdewam kir û bi vî awayî du pêvajoyên vejînê lê hat zêde kirin.
Vê astê 20 salan berdewam kir û piştre bandor li herêmê û seranserê cîhanê kir û di encama xitimînan de veguherî pêvajoya Îmraliyê.”
Bi vî awayî Rêber Apo behsa pêvajoya yekem dike û der barê pêvajoya duyem “Pêvajoya Îmraliyê” de jî vê dibêje:
“Vejîna duyem vejîna bi tundî û şer, paqijbûnê îfade dikir.
Tirkiye nakokiyên xwe baş fêm nake û ji ber dema wê de çareser nake ketiye pêvajoya krîzan û nikare jê derkeve.
Pêvajo ji bo hemû hêzan vejînek nû ferz dike.
Ev hişmendiya bi tecruba şer derbas bûye niha di pêvajoya aştiyê de derbas dibe.”
Abdullah Ocalan diyar dike ku pêvajoya Îmraliyê pêvajoya vejînê û asteke dîrokî ye û wiha dibêje:
“Ji yekitiya azadiyê re yanî ji lihevkirina demokratîkbûnê re vekirîbûn tê wateya jiyaneke aştiyane û wekhev.
Pêknehatina vê jî ev e ku têkoşîna navbera komara demokratîk û olîgarşîk de hîna encam nebûye.
Di vî alî de wek sembolîk pêvajoya Îmraliyê asteke dîrokî nîşan dide.
Di dîroka Tirkiyê de yekem car krizeke giran heye.
Divê wek meclis û hikûmet mijarê bi awayekî rast binirxîne.
Ger ku vê neke û terkî neçareseriyê bike, ev jî nîşan dide ku çavkaniya krîza tê jiyîn siyast e.
Biryara bidarvekirinê li ser min wek şûrê Demokles dihejînin û ev jî encamê nade û şaşiya herî mezin jî di vir de ye.
Ev rewş bi Tirkiyê di her alî de bi mîlyonan dolar windahî dide kirin û di alî manewî de jî wê li welat êş û elemên giran derxine holê.”
