Erebistana Siûdî ragihand ku lêçûnên hecê îsal ji sedî 39 kêm bûye.
Wezîrê Hec û Umreyê yê Erebistana Siûdî Teyfîq el-Rabîa diyar kir ku lêçûnên namzedên hecê yên ku diçin welêt îsal ji sedî 39 kêm bûye.
El-Rabîa di civîna çapemeniyê ya ku li dar xist de derbarê amadekariyên rêxistina hecê de agahî da û diyar kir ku 1,4 mîlyon namzetên hecê ji pakêta aborî sûd wergirtine.
Wezîrê Siûdî destnîşan kir ku îsal bi tevahî 37 saziyên dewletê wê xizmetê bidin heciyan û got:
Jimara heciyan vegeriyaye asta beriya pandemiyê.
El-Rabîa bal kişand ser wê yekê ku hatina heciyan bo cihên pîroz wê hêsantir bibe û destnîşan kir ku di nav rêziknameyên ku hatine destnîşan kirin de li gorî asta herî bilind a berê ji sedî 30 zêde bûye.
Beriya qedexeyên ku ji ber derketina Covid-19 hatine danîn, her sal bi navînî 2,6 mîlyon kes ji bo hecê serdana vî welatî dikirin.
Meşa hecê wê 26’ê Hezîran de bi fermî dest pê bike.
Li gorî nûçeya çapemeniya Erebîstana Siûdî heta îro mîlyonek û 499 hezar namzetên hecê yên ji welatên derve derbasî xaka welat bûne.
