Kiremlînê bi hinceta daxwazên wan pêk nayên, peymana ‘Korîdora Genim’ bidawî kir. Hemwextî vê Ukrayna ragihand ku ji despêka êrişa dijber ve wan kariye 210 kîlometre xaka welat ji bin kontrola Rûsyayê derxînin..
Bi bêtirî 1000 keştiyan, nêzî 33 mîlyon ton genim ji Ukrayna bo welatên din hate veguhestin.
Di çarçoveya pêngava 3 caran hat dirêjkirin de, ji sedî 40 genimê di korîdorê re derbas dibû, ber bi Ewropayê, ji sedî 30 bo Asya, ji sedî 13 bo Tirkiye, ji sedî 12 bo Afrîka û ji sedî 5 bo Rojhilata Navîn hat şandin.
Ev dane bi tena serê xwe têrê dike ku bondora şerê li Ukrayna herêmeke çiqas mezin digre nava xwe.
Lihevkirina “Korîdora Genim” a di bin çavdêriya Netewên Yekbûyî de pêk tê, ji bo kontrolkirina bihayê xurekan hate îmzekirin.
Rûsya peymana Korîdora Genimê Ukrayna bi dawî kir
Dema vê peymana ku bi navbeynkariya Enqerê pêk dihat îşev bi dawî dibe.
Kremlînê îro bi daxuyaniyekê ragihand ku ew peymanê bi dawî dikin.
Kremlînê diyar kir ku ger mercên ji bo wan bêne pêkanîn wê careke din li peymanê vegerin.
Di çarçoveya peymanê de keştiya dawî doh ji Bendera Odessa ya Ukraynayê derket.
Di çarçoveya peymanê de, nêzî 33 milyon ton ceh, genim û dexlên din ji Ukraynayê bo welatên din hat hinardekirin.
Rûsya gazinan dike ku welatên xizan têra genim nagirin.
Ji aliyê din ve NY îşaret bi wê yekê dike ku ev peyman bi kêrî van welatan tê, ji ber ku li seranserê cîhanê ji sedî 20 nirxê xwarinê kêm dike.
Li Rojhilatê Ukrayna şer dijwar bûye
Hemwextî hewildanên razîkirina Rûsyayê, Ukrayna ragihand li rojhilatê welat şerên dijwar rûdide.
Artêşa Ukrayna eşkere kir ku ji despêkirina êrişa dijber û heta niha wan kariye 210 kîlometre xaka welat ji bin kontrola Rûsyayê derxînin.
Alîkara Wezîrê Parastinê ya Ukraynayê Hanna Malyar diyar kir ku hêzên Rûsya jî li herêma Xarkovê êrişî wan kiriye.
Li ser pra Kirimê teqîn
Ji aliyeke din ve li ser pira Kirim ya xwedî stratejiyek mezine ji bo Rûsya teqînek pêk hat.
Rayedarên Rûsya ragihandin ku rewşa awerte hatiye ragihandin û di bûyerê de 2 kes mirine.
Wezareta Veguhestinê ya Rûsyayê eşkere kir ku li ser xirê xisar çêbûye lê têkildarî asta wê ti agahî neda.
