Aram Dîkran wekî Aram Tîgran jî tê naskirin, hunermendek eslê xwe Ermeniye, lê tevî vê bê navber û westan xizmeta ziman, huner û doza rewa ya gelê Kurd kiriye.
Îro salvegera wefata bilbilê Rojhilata Navîn Aram Dîgran an jî Tîgran bi navê xwe yê Ermenî Aram Melîkiyan e.
Aram Tîgran di 15’ê Çileya sala 1934’an de li bajarê Qamişlo yê di nava malbatek hejar de hatiye cîhanê.
Aram kurê Dîkran Seko yê Mêlo ye.
Bi eslê Ermeniye û ji navçeya Pasûrê ya li Amedê ye.
Ji beriya komkujiya Ermeniyan li gundê Beim (Kigrvank) ya girêdayî navçeya Farqîna Amedê bûn.
Di wê demê de niştecihên gund Kurd û Ermenî bûn.
Bavê Aram Dîkran hem bilorvan bû hem jî helbest dihonand.
Ev hunermendiya bavê wî bandorekê hunerî li ser Aram jî kiriye.
Di temenekî biçûk de hunera wî xwe dide der
Aram Dîkran bi vê kevneşopiya xwe ya dewlemend dest bi dibistanê dike.
Hêj di dema dibistanê de ango di temenê 13-14 saliya xwe de mamostayên wî hunerî wî ya hêja keşif dike.
Roj bi roj helbestên xwe pêştêxe û dikeve nava kuraniya honandina helbestan.
Di bîr û ramanên wî yên hunerî de hertim perspektîfên jiyana nû hebû.
Ji ber wê hertim di got: “Min di hunerê de jiyan kir û huner ji bo min her tişte.”
Evîndarê doza Kurdistanê bû
Aram Dîkran evîndarê doza Kurdistanê bû.
Gelek caran di stranên xwe de Aram, navê Amedê aniye ziman.
Her dem li benda derfetekê bû ku hîn sax vî bajarê dîrokî bibîne û lê bigere.
Di sala 1966’an de bi malbata xwe re diçe Ermenistanê û heta sala 1985’an di Radyoya Êrîvanê de mîna xebatkarekî fêrmî dixebite.
Bi salên dirêj di Êrîvanê de xebat kiriye.
Hevalê nezîk yê Rêber Apo bû
Hunermendê hêja Aram Dîkran, ji ber ku ji aliyê Rêber Apo ve pir dihat heskirin û nirxek mezin ji ked û hunera wî re dihat dayîn:
“Di sala 1997’an de li gel hevsera xwe dibe mêvanê Rêber Apo.
Şervanên doza Kurdistanê bi germî pêşwaziya wan kiribûn.
Gotineke bav û kalan heye ku wiha dibêje:
“Tenê deng û huner dimînin û nemirin”
Ji mêj de ye ku nermiya dengê tijî his û xweş ê Aram Dîkran di nava civata Kurdan de tê bihîstin.
Li Kurdistanê kesê ku dengê tijî eşq û evînê wî nebihîstibe, tine ye.
Di roja 8’ê Tebaxa 2009’an de li paytexta Yunanistan Atînayê koça dawî dike.
Nîşaneya demokrasiya navbera gelên Rojhilata Navîn de ye
Aram tîgran bi kilamên xwe ji aliyê civakî û siyasî de rewşa kurdan aniye ziman ji wan sitranan yek jî derbarê Rêber Apo de derxistiye.
