Şêniyên Binarê Qendîlê li dijî êrişên dewleta Tirk a li ser deverê û Şaredariya Qendîlê meşek lidarxistin. Welatiyan daxwaz ji hikûmet û aliyên peywendîdar kirin ku li beramberî van êrişan bêdeng nemînin .
Di meşêde de Hevseroka Şaredariya Binarê Qendîlê Serwîn Celal axivî û got:
“Dewleta Tirk bi behaneyên cûda li hemû parçeyên Kurdistanê êrişê ser destkeftên gelê Kurd dike.
Raya giştî û cîhan li beramberî van sucên dewleta Tirk bêdeng dimîne, ji ber vê yekê êrişên xwe zêdetir dike.”
Welatiyê bi navê Maruf Endzeyî jî got:
“Em van êrişan bi tundî şermezar dikin û bang li tevahî aliyên peywendîdar dikin ku bi erkê xwe rabin.
Mihemed Emîn Xidir jî bal kişnd ser bêdengiya Hikûmeta Herêmê ya li beramberî êrişan û got:
“Destê xiyanetê di van êrişan de heye, ji ber wê li beramberî êrişan bêdeng dimînin.
Ev êriş wê me netirsînin û berovajî em ê hîn zêdetir têkoşîna xwe xurt bikin û dijî dagirkeran rabin.”
