Êrîşên dagirkeriyê mirovan neçarî koçberiyê kirin.
Krîza Sûriyeyê bû sedema guhertina demografiyê û metirsî jî bi xwe re anî.
Lewma bi milyonan mirov ketin rêyan, bûn koçber û penaber.
Nêzî milyonek kes ji Bakur û Rojhilatê Sûriyeyê ji ber fikar, tirs, bi zorê koç kirin.
Di salên dawî de di serî de li Bakur û Rojhilatê Sûriyeyê, li Sûriyeyê koç û koçberî zêde bûye.
Ev koçberî bandoreke neyînî li ser nifûsê kir, li herêmê pêşî li guherîna demografiyê vekir.
Li gorî daxuyaniya Rêxistina Koçberiyê ya Navneteweyî; ji Hezîrana 2019’an û vir ve 272 milyon kes bi xwesteka xwe koç kirin.
Bakur û Rojhilatê Sûriyeyê
Bi şerê ku ji sala 2011’an ve li Sûriyeyê diqewime, pêla koçberiyê bandor li gelên li Bakur û Rojhilatê Sûriyeyê jî kir.
Krîza Sûriyeyê bû sedema guhertina demografiyê û metirsî jî bi xwe re anî.
Lewma bi milyonan mirov ketin rêyan, bûn koçber û penaber.
Li Bakur û Rojhilatê Sûriyeyê ji ber îdeolojiyên ku siyasî, leşkerî û şîdetê di nava xwe de digire, (mîna DAÎŞ’ê) pêla koçberiyê derket holê.
Her wiha ambargoya ekonomiyê ya ku bi israra pozîsyona ji bo vebûna deriyên sînor ên Tirkiye, Rûsya, Îran û Sûriyeyê bûyî asteng, re pêş ketî jî bandor kir.
Nêzî milyonek kes ji Bakur û Rojhilatê Sûriyeyê ji ber fikar, tirs, bi zorê koç kirin.
Her wiha hêzên navneteweyî û herêmî jî li ser esasê berjewendiyên xwe gel teşwîqî koçê kirin.
Bandora êrîş, ambargo û dorpêçê
Para DAÎŞ, Tirkiye û hêzên girêdayî wê di vê koçê de pir zêde ye.
DAÎŞ, Tirkiye û hêzên girêdayî wê krîza Sûriyeyê kûrtir kirin û olperestî, netewperestî belavtir kirin. Ev jî bû sedem ku koçberî çêbibe.
Li aliyekî din jî hişkesaliya li Bakur û Rojhilatê Sûriyeyê jî yek ji sedemên koçberiyê bû.
Tirkiyeyê rêjeya herikîna Ava Firat û Xaburê kêm kir û Stasyona Elokê rawestand.
Li gorî Rêxistina Çavdêriya Mafên Mirovan (HRW) 460 hezar kes ji ava vexwarinê bêpar man.
Dema ku Tirkiyeyê di 2018’an de Efrîn dagir kir, zêdeyî 300 hezar Efrînî neçarî koçberiyê bûn.
Dîsa dema dewleta Tirk û çeteyên DAÎŞ’ê di sala 2019’an de Serêkaniyê û Girê Spî dagir kir, li gorî Komîsyona Bilind a Karên Koçberiyê ya NY’ê;
180 hezar kes ku piranî jin û zarok di nav de bûn ji xaka xwe hatin koçberkirin.
Piştî zexta li ser herêmên dagirkirî, ev hejmar gihişt 400 hezarî.
