Tevî banga agirbestê jî Îsraîlê ketina li Refahê de bi israre.
Serokwezîrê Îsraîlê Binyamîn Netanyahu da zanîn ku dîroka operasyona Refahê diyar e û ewê pêk bînin.
Piştî vê daxuyaniyê ji Amerîkayê hişyarî da û diyar kir ku heger operasyon pêk were dê ev yek zirarê bide ewlehiya Îsraîlê.
Li aliyê din bangên navneteweyî yên ji bo rawestandina şerê li Xezayê dewam dikin.
Serokên Fransa, Misir û Urdinê di gotarekê de ku bi hevbeşî di rojnameyên curbicur de hatine nivîsandin û weşandin, daxwaza “agirbesta lezgîn” kirin.
Serokwezîrê Îsraîlê Benjamin Netanyahu ragihand ku roja operasyona leşkerî ya ku wê li Refahê ya li başûrê Şerîda Xezayê bê lidarxistin diyar bû.
Netanyahu di daxuyaniya xwe de got:
“Ji bo serkeftinê pêwîst e Refahê were girtin û tabûra terorîstan a li wir were îmhakirin.
Wê ev yek pêk were û dîrok diyar e.”
Amerîka derbarê Refahê de hişyarî da Îsraîlê
Piştî ku Serokwezîrê Îsraîlê Benjamin Netanyahu ragihand ku dîroka operasyona leşkerî ya ku wê li bajarê Refahê yê li başûrê Şerîda Xezayê bê kirin diyar bû, ji Amerîkayê careke din hişyarî hat.
Berdevkê Wezareta Karên Derva ya Amerîkayê Matthew Miller di daxuyaniya xwe ya ji bo rojnamevanan da destnîşan kir ku milyonek û 500 hezar Filistînî li Refahê xwe spartine û wiha got:
“Li Refahê destwerdaneke leşkerî ya mezin wê bandoreke pir xerab li van sivîlan bike û herî dawî zirarê bide ewlehiya Îsraîlê.”
Banga hevpar ji Fransa, Misir û Urdinê
Li aliyê din bangên navneteweyî yên ji bo rawestandina şerê li Xezayê dewam dikin.
Serokên Fransa, Misir û Urdinê di gotarekê de ku bi hevbeşî di rojnameyên curbicur de hatine nivîsandin û weşandin, daxwaza “agirbesta lezgîn” kirin.
Di gotara ku di bin îmzeya Serokomarê Fransayê Macron, hempîşeyê wî yê Misrê Sîsî û Qralê Urdunê Abdullah de hat weşandin de hat gotin ku “Divê şerê li Xezayê demildest bi dawî bibe.”
Li Qahîreyê xebatên agirbestê ya li Xezayê hat gotubêjkirin
Serokomarê Misrê Ebdulfetah Sîsî xebatên ku ji bo agirbesta li Xezayê bi Serokwezîrê Filistînê Mihemed Mistefa re tên kirin nirxand.
Li gor daxuyaniya nivîskî ya Serokomariya Misrê, Sîsî li paytext Qahîreyê bi Mihemed Mustafa re hevdîtin kir.
Di hevdîtinê de Sîsî di pêkanîna daxwazên gelê Filistînê de hêviya serkeftinê ji hikûmeta nû ya bi serokatiya Mistefa xwest.
Di hevdîtinê de hewldanên tund ên Misirê yên ji bo agirbesta li Xezayê, pevguhertina girtiyan û gihandina alîkariyên mirovî yên têr hatin gotûbêjkirin.
Di hevdîtinê de, Sîsî û Mistefa li ser derxistina bi darê zorê ya Filistîniyan ji warên wan û ji holê rakirina pirsgirêka Filistînê red kirin û her wiha li ser encamên berfirehkirina qada şer hişyarî dan.
Sîsî destnîşan kir ku Misir her tim alîgirê avakirina dewleteke serbixwe ya Filistînê û bidestxistina mafên Filistînê ye.
Almanya bi ‘hêsankirina qirkirinê’ ya li dijî Filîstiniyan tê tawanbarkirin
