Aboriya jin û Şaredariya Gel a Xanesorê îmze avêtin bin du projeyan.
TAJÊ ji bo çêkirina qadên civakî yên nû ji bo jinan, avakirina derfetên kar, projeyên nû pêş dixe.
Hemwext Şaredariya Gel a Xanesorê jî li gel Cafe Nîsan Parkek bi navê Şehîd Dijwar Feqîr vekir.
Li bajaroka Xanesor a Şengalê Komîteya Aboriyê ya TAJÊ û Şaredariya Gel a Xanesorê du projeyên civakî xistin xizmetê.
Komîteya Aboriyê ya Jin Cafe Nîsan û Şaredariya Gel jî Parka Şehîd Dijwar Feqîr ku li nêzî hevin vekirin.
Tevgera Azadiya Jinên Êzidî (TAJÊ) ku ji bo azadiya jin têdikoşe û bi çareseriya pirsgirêkên jin ên azadiyê re mijûle, hem rêxistin dike û hem jî derfetên kar ji bo wan ava dike.
Bi avakirina qadên karên kolektîv hem jinan li derdora projeyên hevbeş tîne bahev, hem jî hewl dide qadên civakî yên jinan bîne bahev û demek xweş bihevre derbas bikin jî ava bike.
Li Şengalê gelek cafe, çayxane û cihên hevbeş hene, jin ji ber eqliyeta cinsiyetparêz jê bêpar dimînin.
TAJÊ ji bo çêkirina qadên civakî yên nû ji bo jinan, îstîhdamkirina jinan û avakirina derfetên kar, projeyên nû pêş dixe.
Piştî vekirina dûkanên jinan, firin, şitilgeh û cihê çêkirina berhemên xwemalî niha jî cafeyek nû ya ji xebatkarên jin pêktê li Xanesorê vekir.
Cafe Nîsan ji bo hem avakirina derfetên nû yên kar ji bo jinan û çêkirina cihên hevbeş ên jinan ji bo demeke xweş bihevre derbas bikin, hate çêkirin.
Proje ji aliyê jinên Êzidî ve bi kêfxweşî hate pêşwazîkirin û bi merasîmekî hate vekirin.
Şaredariya gel parkek bi navê şehîd dijwar feqîr vekir
Hemwext Şaredariya Gel a Xanesorê jî li gel Cafe Nîsan Parkek bi navê Şehîd Dijwar Feqîr vekir.
Vekirina park û Cafe hate hevbeşkirin û ji aliyê dayîka şehîd Dijwar Xoxê Cindî ve hate vekirin.
Dayê Xoxê vekirina Park û Cafe yê li malbatên şehîdan pîroz kir û xwest, di her şert û mercî de parastina Xanesorê were kirin.
Di Cafe Nîsan de wê gelek cûreyên şîrînahiyê yên bi destê jinan tên çêkirin û vexwarin hebe.
