Di şerê 7 mehin yê navbera Îsraîl û Hemasê pêk tê de, ti nîşaneyek pêkanîna agirbestê xuya nake.
Alî di daxwazên xwe de bi israr in.
Îro carke din li Qahîrê bi hêviya bêkanîna agirbestê alî civiyan.
Îsraîl û Hemas ji ber pêknehatina agirbestê hev tewambar dikin.
Danûstandinên agirbesta ji bo şerê li Xezayê îro jî li paytexta Misir Qahîreya dewam dikin.
Beriya danûstandinên îro aliyên şer Îsraîl û Hemas hev ji ber ne-pêknîna agirbestê tewambar dikin.
Hevdîtinên agirbestê: Îsraîl û Hemas hev tewambar dikin
Misir, Qeter û Dewletên Yekbûyî yên Amerîka DYA yên di muzakereyan de navbeynkar in, li bendê ne ku Hamas bersivê bide pêşnûmaya rawestandina şerê 7 mehan.
Rayedarekî payebilind ê hikûmeta Îsraîlê ji AFP’ê re got, hevdîtinên li ser agirbesteke demkî û serbestberdana dîlên mayî ji ber daxwazên Hemasê tên astengkirin.
Hamas ya di lîsteya rêxistinên terorê ya DYA û YE’ê da cih digire daxuyand ku ew peymana şerê li herêmên Filistînê bi dawî nake, red dike.
Rayedarekî Hamasê ji AFP’ê re axivî û got, ew ê bi ti awayî ji bo agirbestekê dayîmî ya pêk neyê, lihevkirinê pêk neênin.
Îsraîl jî, li dijî agirbestekî dayîmî ya li herêmê ye.
Heman rayedar diyarkir ku eger lihevkirin çênebe, Îsraîl wê ji tevahî encamên şerekî li bejahiya Refahê pêk were berpirsyar be.
Nûnerê Hamasê doh li wê yekê mikur hatibû ti pêşketinek di danûstandinan de pêk nehatiye.
Hemasê di daxuyaniya ku beriya çûna şanda xwe de, diyarkir ku wan ev pêşniyar “bi ruhekî erênî” lêkolîn kirine û dixwazin li Qahîreyê “bigihêjin rêkeftinekê”.
Di vê navberê de, zextên li ser Netanyahu ji bo serbestberdana dîlan zêde dibin.
Bi hezaran kes beşdarî xwepêşandanên doh li Tel Avîvê ji bo serbestberdana dilan hat lidarxistin bûn.
Di êrişên Hemasê ku 7’ê Cotmehê dayîn despêkirin de, 1170 Îsraîlî hatibûn kuştin, nêzî 250 jî hatibûn girtin.
Îsraîl difikire ku ji 128 dîlên mayîn, 35 ji zude mirin e.
Li gorî daneyên Hemasê jî, herî kêm 34 hezar û 683 kes li Xezayê mirin e.
NY ji ber birçîbûna li şerîda Xezayê hişyarî da
Ji aliyê din ve, Bernameya Xwarinê ya Cîhanê (WFP) ya girêdayî Neteweyên Yekbûyî (NY) hişyarî da ku li bakurê Şerîda Xezayê metirsiya birçîbûnê heye.
Rêvebira WFP Cindy McCain di peyama xwe ya ji bo çapemeniya Amerîkayê de got:
“Li başûrê Xezayê xela belav bûye”.
McCain diyar kir ku ji bo dayîna alîkariyên mirovî pêwistî bi agirbest û gihandina alîkariya bê astengî heye.
