Li Brezîlyayê hîna jî bandorên lehiyê didomin.
Hejmara kesên jiyana xwe ji dest dane gihişt 95 kesî.
Her wiha 131 kes winda ne û zêdeyî 155 hezar kes jî bê mal mane.
Li aliyê din li gorî pîvandinan meha borî “Nîsana herî germ” bû ku heya niha li cîhanê hatî tomar kirin.
Li Brezîlyayê hejmara kesên ku di lehiya ku ji ber barana zêde pêk hat de jiyana xwe ji dest dan derket 95’an.
Hat ragihandin ku 131 kes jî winda ne û zêdeyî 155 hezar kes jî bê mal mane.
Barana zêde ya ku ji serê hefteyê ve bi bandor bû û li eyaleta Rîo Grande do Sulê ya li başûrê welêt lehî rabû, bû sedem ku çem herikî, bajar di lehiyê de bin, rê û pir jî hilweşiyan.
Hat diyarkirin ku li herêma ku ji ber lehiyê xebatên lêgerîn û xilaskirinê hatin astengkirin, gelek mexdûrên lehiyê hê jî nekarîne alîkariya erzaq û maddî bistînin û nekarin bên derxistin.
Elektrîk ji herêmê re tune ye, tê payîn ku baran roja Pêncşemê raweste lê dawiya hefteyê berdewam dike.
Nîv milyon kes bê elektrîk in
Nêzîkî nîv milyon kes li Porto Alegre û bajarên derdora wê bê Elektirîk mane.
Ji ber ku kompaniyên elektrîkê ji ber sedemên ewlehiyê elektrîka taxên di bin avê de qut kirine.
Li bajarê Porto Alegre ku 1,3 milyon nifûsa wê heye, ji ber ava çemê Guaiba kuçe û kolan di bin avê de man, sotemenî peyda nabin.
Serokdewlet Luiz Inacio Lula da Silva di daxuyaniya xwe ya televizyonê de diyar kir ku heta ku av xelas nebe dê asta zirarê neyê zanîn.
Lula da Silvasoza alîkariya federal da dewletê di tiştê ku xirabtirîn karesata avhewa ya ku heya niha tê hesibandin.
Meha borî li seranserê cîhanê ‘nîsana herî germ’ hate ragihandin
Li aliyê din li gorî pîvandinên ku ji hêla pergala şopandina peykê Kopernicus a Yekîtiya Ewropî ve hatî çêkirin, meha borî “Nîsana herî germ” bû ku heya niha li cîhanê hatî tomar kirin.
Di daxuyanîya ku ji aliyê Kopernikusê ve hat dayîn de hat diyarkirin ku germahiya hewayê ya li ser rûyê erdê meha borî wek 15,03 pile hat pîvandin.
Her wiha hat destnîşankirin ku 12 mehên dawî bûne mehên herî germ ên ku li pey hev hatine tomarkirin.
Hat diyarkirin ku germahiya hewayê bi piranî li herêma Rojhilatê Ewropayê zêdetir bû.
Li derveyê Ewropayê germahî li bakurê rojhilatê Amerîkayê, Gronland, Asyaya Rojhilat, bakurê rojavayê rojhilata navîn, li hin herêmên Amerîkaya Başûr û piraniya Afrîkayê zêdetir bû.
