Şerê Sûdanê tevî hemû hewldanên çareseriyên siyasî jî berdewam dike.
Di vê şerê de jî welatiyan bi koçberî, birçîbûn, destdirêjî û mirinê re rû bi rû dimînin.
Li gorî Neteweyên Yekbûyî, di encama şer û pevçûnên li Sûdanê de zêdetirî 16 hezar kesan jiyana xwe ji dest dane, nêzî 8,7 mîlyon mirov koçber bûne û zêdetirî 25 mîlyon mirov hewcedarê alîkariyên mirovî ne.
Li welatê ku ev salek zêdetir e pevçûnên di navbera Artêşa Sûdanê û Hêzên Piştgiriya Bilez yên paramîlîter de dewam dikin, li qadên wek binesazî, tenduristî, perwerde û aborî zirareke mezin dîtin.
Li gel piraniya paytext Xartûmê, Hêzên Piştgiriya Bilez Eyaleta Cezîrê û eyaletên li Herêma Darfurê ya li rojavayê welêt jî xist bin kontrola xwe.
Hêzên Piştgiriya Bilez a ku dixwaze eyaleta Darfura Bakur a ku eyaleta herî mezin a Herêma Darfurê ye kontrol bike, navenda eyaletê Faşîr dorpêç dike.
Bajarê ku mazûvaniya Neteweyên Yekbûyî û rêxistinên alîkariyê yên navneteweyî jî dike, weke navenda operasyonên mirovahî tê dîtin.
Hêzên Piştgiriya Bilez ji meha Nîsanê û vir ve êrîşên li dijî gundên rojavayê Feşîrê pêk tîne.
Di pevçûnên ku ji 10’ê Gulanê û vir ve li Feşîrê di navbera leşker û Hêzên Piştgiriya Bilez de dijwar bûne bi dehan kesan jiyana xwe ji dest dane, bi sedan kes birîndar bûne û bi hezaran kes jî koçber bûne.
Çavdêr difikirin ku sedema ku Hêzên Piştgiriya Bilez bi hêsanî dest danî ser 4 bajarên mezin ên Herêma Darfûrê, ji ber ku pêkhateya civakî ya li wir piştgirî dide Hêzên Piştgiriya Bilez.
Şerê navxweyî ya Sûdanê
Şerê desthilatdariyê di navbera artêş û Hêzên Piştgiriya Bilez de ku piştî desthilatdariya 30 salî ya Omer El-Beşîr li Sûdanê bi serhildaneke gel hate rûxandin.
Di şerê ku di nîvê Nîsana 2023’yan de dest pê kir û li piraniya eyaletên Sûdanê dewam dike.
Artêş li dewletên bakur û rojhilat serdestiya xwe diparêze, li eyaletên rojava û başûr jî Hêzên Piştgiriya bi bandor xuya dike.
Hevdîtinên Ciddeyê yên bi navbeynkariya Erebistana Siûdî û Amerîkayê ku ji bo bidawîkirina şer hatin destpêkirin, înîsiyatîfa aştiyê ya welatên cîranên Sûdanê bi pêşengiya Misirê, hewlên Dezgeha Pêşkeftina Navdewletî ya li Rojhilatê Afrîkayê û hevdîtinên ku li paytext Manama ya Behreynêhatin kirin bê encam bûn.
Li gorî Neteweyên Yekbûyî, di encama şer û pevçûnên li Sûdanê de zêdetirî 16 hezar kesan jiyana xwe ji dest dane, nêzî 8,7 mîlyon mirov koçber bûne û zêdetirî 25 mîlyon mirov hewcedarê alîkariyên mirovî ne.
