Li gundewarên Lazîqiyê û Idlibê, di êrîş û şerê di navbera hêzên hikumeta Şamê û çeteyên Tirkiyê de 5 endamên hêzên hikumetê û 4 çete hatin kuştin.
Çavdêriya Sûrî ya Mafên Mirovan ragihand ku hêzên hikumeta Şamê vê sibehê bi zêdetirî 130 moşekan deverên eniyên El-Tifahiyê yên gundewarên bakurê Lazîqiyê topbaran kirin.
Çeteyan jî cih û deverên hêzên hikumetê li eniyên Meret Moxis a başûrê Idlibê topbaran kirin.
Çavdêriyê diyar kir ku duh di encama hedefgirtina hêzên hikumetê de li rojavayê Helebê 3 çete hatin kuştin û 5 jî birîndar bûn.
Her wiha li gundê El- Melaca yê li başûrê Idlibê di êrîşeke çeteyan de 5 endamên girîdayî hêzên hikumetê hatin kuştin û 11 kes jî birîndar bûn.
Di heman demê de çeteyek jî hat kuştin û 2 jî birîndar bûn.
SOHR: 8 çekdarên Îranî hatin kuştin û gelek birîndar bûn
Derbara êrîşa roja Çarşemê ya ku artêşa Îsraîlê li ser parêzgehên Laziqiyê û Hemayê pêk anîne Çavdêriya diyar kir ku ji bilî sivîlên ku hatibûn kuştin û birîndar kirin, 8 çekdarên Îranî jî hatin kuştin û jimareke mezin birîndar bûne.