Tirkiye êrîş dike û gefan dixwe, Parlamentoya Ewropa naxwaze bêdeng bimêne. Ji ber vê yekê bi piraniya dengan, danûstandinên Tirkiyê yên ji bo endamtiya YE da rawestandin. PE metirsiya xwe ya li ser rewşa Tirkiyê jî nîşan da.
Nîjadperestiya dewleta Tirk û tevgera wê ya êrîşkar bûye belaya serê wê.
Parlamenterê Spanya li Parlamentoya Ewropa (PE) Nacho Sanchez Amor têkildarî tevger, kiryar û rewşa Tirkiye raporek amade kir.
Rapor bi piraniya dengan hate pejirandin.
Di dengdanê de, 480 “erê” 64 “na” û 150 parlamenter jî dengê xwe bikar ne anîn.
Di rapora ku hatî erêkirin de, derbarê mafên bingehîn, demokrasî, serweriya huqûqê û di mijara mafê mirovan de Tirkiye bi tundî hate rexnekirin.
Bi vê yekê re hat dîtin ku PE ji salên derbasbûyî zêdetir li dijî Tirkiye bertekên tund nîşan daye.
Di raporê de, hatiye pêşdîtin ku “têkliyên YE-Tirkiye li gorî demên derbasbûyî ji her demê lewaztire.
Ji ber vê yekê jî bang hate kirin ku heta danustandinên navbera Tirkiye-YE bên guhertin, têkliyên bi Enqerê re werin rawestandin.
Her wiha hate xwestin ku Tirkiye bûyera 1915’an ya li dijî Ermeniyan weke “qirkirinê” bipejirîne.
Ev yek jî weke nîşaneyek ya nêzbûna gelên Tirkiye û Ermenîstanê hate destnîşankirin.
Tirkiye li dijî rapora PE bertek: Ev yek nayê pejirandin
Wezareta Karên Derve ya Tirkiyê jî li dijî raporê bertek nîşan da û rapora PE redkir.
Di serdemek ku hewildanên ji nûve zindîkirina têkiliyên Tirkiye-Yekîtiya Ewropî têne kirin de, negengaze pêşnîyara PE bê objektîf were dîtin. Ji ber vê yekê em raporê red dikin.
Wezaretê careke din qala hewildanên xwe yên ji bo endamtiya YE kir û ev yek jî weke armancek xwe ya stratejî binav kir.
YE, Tirkiye bi cezayên nû gefê li Tirkiyê dixwe, Enqere jî dibêje ev yek “Ne hedê we ye”.
Di rapora PE erê kirî de hate gotin, li cihê başbûnê, rewşa Tikiyê ber ber bi nebaşiyê ve diçe û ji demên derbasbûyî nebaştir dibe.
“Netewperestiya Tirkiyê veguheriye dijminahiya li hember endamên ye”
Di raporê de PE teqezî kir ku têkliyên navbera wan û Enqerê çawa dibe bila bibe, ewê piştevaniyê bidin saziyên civakî yên serbixwe.
Her wiha îşaret bi hewildanên geşkirina hestên nîjadperestiyê ya Tirkiyê hate kirin û wiha hate gotin:
Helwesta tundraw ya netewperestiyê veguherî dijminahiya li hember endamên YE.
