Li bajarên bakurê payetexta Ûkrayna Kîevê ku hêzên Rûsya jê vekişiyane, bi dehan cenazeyê sivîlan li pey xwe hiştine. Piştî bajarê Buça, niha jî rewşa li Borodyanka derketiye pêş. Dozgeriya Giştî ya Ûkrayna ragihand ku tenê ji bin 2 kavilên avahiyên hilweşiyayî de 26 cenaze hatine derxistin. Serokomarê Ûkrayna Zelensky jî got: Rewşa li Borodyanka ji ya li Buça xerabtire.
Şer û wêraniya li Ûkrayna bîlançoya kuştiyan zêde dike.
Li gorî nûçeya The Guardianê, li bajarên derdora Kîevê ku hêzên Rûsyayê vekişiyane, mirina sivîlan tên dîtin.
Rayedarên Ûkraynayê diyar kirin ku bêtirî 300 sivîl li bajarê Buça yê nêzî Kîevê hatine kuştin û 50 jî hatine înfazkirin.
Moskowa bi hinceta ku ev yek progapaganda ya rêveberiya Ûkrayna yê ye, ev îdia re kir.
Serdozgeriya Giştî ya Ûkraynayê Îrina Venicetova duh ragihandibû ku li Borodyanka ya 25 kîlometre dûrî Buçayê ye ji ber êrişan avahî hilweşaiyan.
Tenê ji bin kavilê 2 avahiyên hilweşiyayî jî 26 cenaze hatine derxistin.
Tevî ku Venicetova li ser sedema mirina cenazeyan agahî neda jî, bal kişand ser wê yekê ku hêzên Rûsya li ser bajar êrişên hewayî pêk anîne.
Venetiantova got, “Borodyanka ji ber hilweşînê di rewşa herî xerab de ye.
Hejmara kesên jiyana xwe ji dest dane nayê zanîn.”
Zelensky: Rewşa li Borodyanka ji ya Buça xerabtir e
Serokomarê Ûkraynayê Volodymyr Zelensky jî doh bi rêya vîdeoyê peyamek weşand û bal kişand ser rewşa Borodyankayê. Zelensky got, “Rewşa li vir gelekî xerabtir e.”
Ûkrayna: Li Luhansk leşkerên Rûsya bi çend kîlometreyan paşde hatin avêtin
Wezareta Parastinê ya Ûkraynayê ragihand ku hêzên Rûsyayê ji ber êrîşa hêzên taybet yên Ûkrayna li herêma Luhanskê çend kîlometreyan paşve hatine xistin.
Her wiha gundê Gremyaç ê herêma Çernîhîvê careke din hatiye kontrolkirin.
Ûkrayna: Nêzî 19,000 leşkerên rûsya hatine kuştin
Di vê navberê de, Sererkaniya Ûkrayna jî bîlançoya şerê 44 rojan ê şerê li welat eşkere kir.
Li gorî vê; Nêzî 19 hezar leşkerên Rûsya hatine kuştin.
150 balafir, 135 helîkopter û 700 tank hatine bêkêrkirin.
Leyen û Borrell ji bo hevdîtina gel Zelensky berê xwe dan Kîevê
Di vê navberê de, Seroka Komîsyona YE Ursula von der Leyen û Nûnerê Bilind ê Têkiliyên Derve û Polîtîkayên Ewlekariyê yên YE Josep Borrell ji bo hevîdtina li gel Zelensky ji Polonya berê xwe dan Ûkrayna.
Leyen û Borrell wê li Kîevê bi Zelensky re bicivin.
Taloqkirina endamtiya Moskovê li Meclisa Mafên Mirovan hat erêkirin
Duh Dîwana Giştî ya NY`yê (United Nation General Assembly) ku ji 193 dewletan pêk tê, pêşniyara taloqkirina endamtiya Rûsyayê ya Meclisa Mafên Mirovan daxist dengdayînê.
93 dewletan ev pêşniyar erê kir.
Pê re pêşniyar bû biryar û endamtiya Moskovê hat taloqkirin.
24 dewlet li dijî pêşniyarê derketin û 58 dewletan jî dengê xwe bi kar neanî.
Moskov bertek Nîşanî biryara NY da
Wezareta Karên Derve ya Rûsyayê diyar kir ku taloqkirina endamtiya Moskovê tedbîrek neqanûnî ye.
Wezaretê got: “Ev biryar, yek neqanûnî û siyasî ye. Arman jî cezakirina dewleteke endamê NY`yê ye ku siyaseteke serbixwe li hundir û derve dimeşîne.”
