Eger biryara firotina f-16 ji bo Tirkiyê were dayîn, em ê veto bikin

Endamên Meclisa Nûneran a Amerîkayê nameyek ji serok-dewlet Joe Biden re şandin û jê xwestin, Balafirên F-16 nefiroşe dewleta Tirk. Endaman hişyrî kirin ku eger Biden guh nede daxwaza wan ew ê biryara firotinê li Kongresê veto bikin.

Ji Meclisa Nûneran a Amerîkayê, 11 Parlementerên Demokrat û Komarî têkildarî mijara firotina balafirên F-16 ji bo Tirkiyê, nameyek ji rêveberiya Joe Biden re şand.

Parlementeran name taybet ji bo Biden û wezîrê karê derve Antony Blînken re şand û tê de îşaret bi van xalan kirin:

Bi rêya dezgehên ragihandinê me bihîst ku Tirkiye daxwaza kirîna 40 balafirên F-16 û nûkirina 80 balafiran kiriye.

Ji ber vê yekê em gelek xemgîn bûne.

Endamên Meclisa Nûneran kirîna moşekên S-400 ên Rûsyayê bi bîr xistin û di nameya xwe de wiha gotin:

Dewleta Tirk ku endama NATO ye mîna dijmin tevdigere.

Firotina balafirên Amerîkî ji bo vê dewletê nabe ku were qebûlkirin.

Di vê pêvajoyê de divê Amerîka çekên pêşketî nede hukûmeta Tirkiyê.

Divê were zanîn ku eger berovajî vê, hewldana firotina çekan were kirin, wê Kongreya Amerîkayê bi yek helwestê li dijî wê derkeve.

Eger rêveberiya Biden mijara firotina Balafirên F-16 erê bike, em ê li kongreyê biryara wî veto bikin.

Back to top button