Hemwextî gef û êrişên li ser bakur û rojhilatê Sûriyê, Dewleta Tirk a dagirker ji bo têkbirina aramiya herêmê xebatên sîxurtiyê jî didomîne.
Heta niha gelek sîxurên ku ji dewleta Tirk re dixebitin ji aliyê hêzên Asayîş û QSD’ê ve hatine girtin.
Navenda Ragihandina QSD’ê mikurhatinên 2 sîxurên ku li Reqayê girtibûn bi raya giştî re parve kir.
Yekîneyên taybet ên QSD’ê di çarçoveya pêşîgirtina sîxuran, li pêyî van şaneyên terorê ye û 2 çeteyên ku sîxurtî ji MÎT’a Tirk re li herêma Reqa û gundên wê dikirin girtin.
Navenda ragihandina QSD’ê mukurhatina van sîxuran bi raya giştî re parve kiri.
Sîxurên hatine girtin, him ji nava Tirkiyê him jî ji nava herêmên dagirkirî bi destê çeteyên dewleta Tirk hatine erkdarkirin.
Yek ji wan sîxurên hatiye girtin, Waêl Dahî Hemad ê 24 salî ji Tirwaziya bakurê Reqqayê ye.
Ji bo veguhestan mayîn û teqemeniyê ji herêmên dagirkirî û radestkirina wan ji şaneyên terorê yên dewleta Tirk li Reqayê hatiye erkdarkirin..
MÎT’a Tirk a li herêma Silok piştî xapandina bi pereyan ji bo komkirina agahiyan û derbaskirina mayînan ew erkdar kiriye.
Her du sîxur ji bo veguhestina mayînan û girtina dîmenan hatibûn erkdarkirin
“Ez di qaçaxtiya mazotê de ji herêmên Sûriya Demokratîk ber bi herêmên Mertala Firatê de dixebitim. Artêşa Azad ez 3 rojan girtim û ji min xwestin agahiyan li ser nûqte û hêjmara leşkerên li Tirwaziyê ji wan re bişînim.
Ji min xwestin ez mayînan derbasî herêmê bikim û li ser her yekê 100 dolarî bidin min. Ew mayîn ji bo herêma Reqa hatibûn amadekirin û armanc jî tevlihevkirina jiyana herêmê bû. ”
Ev sîxur tîne ziman ku wî mayîn ji bakurê Ustiradê digirtin û radestî kesekî bi navê Ebû-Elî li bakurê Turwaziyê dikirin û dawiyê de şîretê li her kesê bi Tirkan re dixebite dikim ku dest jê berdin ji ber dawiya wê xirabe.
Sîxurê duyem jî bi navê Mihemed Eyîd El-eyîd ê 32 saliye.
Kesekî bi navê Mistefa Tihênî ku li bajarê Tersûsê yê Tirkiyê dimîne pêre ketiye peywendiyê û ew bi riya wî bûye sîxur.
Bi koordîna MÎT’ê ji bo giritna dîmenên cihên leşkerî û şandina cih û agahiyên leşkerî li beramberî pereyan hatiye erkdarkirin.
“Ji min re gotin ji dûr ve dîmenên navendên hevalan bikşîne û ji me re bişîne. Gotin em ê heyvê jî 450 dolar bidin te.
Min dîmenê navenda ewlehiya giştî ji dûr ve li gel nexweşxana Tib el-hedîs girt û bi şev jî dîmenê navenda erka xweparastinê girt û ji wan re rêkir.
Ji min re got sibê biçe buroya Zelam a veguhestana peran û ji wir 350 dolarî bigre, dema ez diçûm pereyan bigrim, hatim girtin.”
