Balyozê Amerîka û Nûnerê Taybet ê bi Lîbyayê Norland got, Li pêşiya hilbijartinê ti astengiyek teknîkî nîne. Astengî tenê siyasî û qanûnî ne. Her wiha anî ziman ku kesên li pêşiya hilbijartinê bibin asteng wê di qada navnetewî de ceza li ser wan werin ferzkirin.
Li Lîbya ku xwe ji hilbijartinên giştî re amade dike, tengaviyek zêde heye.
Bi nêzbûna dema hilbijartinan re, aloziya heyî hîna zêdetir xwe dide der.
Balyozê Amerîka û Nûnerê Taybet ê bi Lîbyayê Richard Norland ragihand ku ti astengiyeke teknîkî li pêşiya lidarxistina hilbijartinên serokomariyê li Lîbyayê ku di dema xwe de pêk bên nîne.
Astengî “siyasî û qanûnî” ne.
Norland di civîna çapemeniyê ya ku di çarçoveya serdana xwe ya li paytexta Lîbyayê Trablusê li dar xist de, der barê hilbijartinên serokomariyê yên ku di 24’ê Kanûnê wê li welêt bên lidarxistin de axivî.
Norland diyar kir ku armanca serdana wî ya Trablusê nirxandina rewşa derbarê hilbijartinan û pêşketina pêvajoya amadekariyê ye.
Balyozê Amerîkayê got:
“Eşkere ye ku em ji aliyê teknîkî ve amade ne ku hilbijartinan di dema xwe de pêk bînin.
Lê astengiyên din hene, hinek qanûnî, hinek jî siyasî.”
Her wiha anî ziman ku rêveberiya welatê wî ji bo ku Lîbya derbasî hilbijartinan bibe piştgirî da pêvajoya hilbijartinê.
Li ser pirsa ku ji bo kesên astengî ji hilbijartinan re lidar bixe gelo wê ceza li ser were ferzkirin yan na ev bersiv da.
“Bêguman wê ceza li ser werin ferzkirin.
Ev ceza jî ne tenê ji aliyê DYA, wê di warê qada navnetewî de ceza bên ferzirin.”
Her wiha diyar kir ku senaryoya herî baş a derbarê bangewaziyên ji bo paşxistina hilbijartinan ew e ku hemû aliyên eleqedar li Lîbyayê li ser li hev bikin.
Di civîna Foruma Diyalonên Siyasî ya NY ku Mijdara 2020’an pêk anî de biryara hilbijartinên giştî ya 24’ê Kanûna 2021’an hatibû dayîn.
Lê tevî ku 3 roj ji bo hilbijartinên giştî maye, rewş nezelale.
