Welatiyên Srî Lanka ji ber krîza aborî ya li welat hesab ji berpirsan dixwazin. Li paytexta Srî Lanka Kolomboyê, ku xwepêşanderan bi ser avahiyên hikûmetê de girtin, ew neçarî îstifayê kirin. Xwepêşandanên protestoyî yên li welatê ku qeyrana aborî ya giran lê heyî, bû sedema îstifakirina serokomar û serokwezîr.
Rewşa Srî Lankayê îro aram xuya dike.
Ev aramî, piştî ku xwepêşandêran doh avêtin ser mala wî û Serok Gotobaya Rajapaksa neçar kirin ku îstifa bike, pêk hat.
Rajapaksa ku bi keştiya deryayî reviya, daxuyand ku ew ê îstifa bike.
Hin ji xwepêşanderan ji qesra serokomariyê derketin, hinên din jî li avahiya talankirî li bendê ne.
Hêzên ewlehiyê yên li derveyî kampusê destwerdana xwepêşanderên li hundir û yên ku dixwazin têkevin avahiyê, nakin.
Serokwezîr Ranil Wickremesinghe ku mala wî hat şewitandin jî ragihand ku ew ê îstifa bikin û wezîfeyê bidin hikûmeta demkî ya ku ji hemû partiyan pêk tê.
Li Srî Lankayê ku krîza aborî ya herî mezin a 70 salên dawî lê heyî, gel bi mehan e çalakiyên protestoyî li dar dixe.
Ji ber vê sedemê li welatê ku bi kêmasiya diravê biyanî re rû bi rû maye, pêdiviyên bingehîn ên wekî derman, xwarin û sotemeniyê nehatin çêkirin.
Hikûmet hewl dida ku ji bo derketina ji krîzê bi Fona Pere ya Navneteweyî (IMF) re li ser pakêteke alîkariyê ya 3 mîlyar dolarî li hev bike.
Bi hezaran kes ji bajarên cuda li paytext Kolombo kom bûn.
Ev hêrsa gel a li dijî deshilata welat, bû sedema xwepêşandanên herî mezin doh pêk were.
Girseya bi hêrs bi alayên reş ber bi Qesra Serokomariyê ve meşiya.
Asayîşê nekarî rê li ber xwepêşanderan bigire.
Xwepêşander piştre ketin avahiya serokwezîriyê û agir berdan avahiyê.
Serokwezîr Wickremesinghe di dema bûyeran de ne li mala xwe bû.
Hat ragihandin ku di bûyeran de 45 kes birîndar bûne, hat ragihandin ku ti ziyanên canî çênebûne.
Li Srî Lankaya ku 22 milyon kes lê dijîn, enflasyon meha borî ji sedî 54,6 hat ragihandin.
Banka Navendî jî ragihand ku dibe ku di mehên pêş me de ji sedî 70 zêde bibe.
