Îro salvegera 3’an a dagirkirina herêmên Serêkaniyê û Girê Spî ye.
Bi boneya rojê Rêveberiya Xweser a Bakur û Rojhilatê Sûrî daxuyaniyek da.
9’ê Cotmeha sala 2019’an bi êrêkirina Amerîka û Rûsyayê dewleta Tirk êrişî bajarên Serêkaniyê û Girê Spî kir.
Bi boney vê rojê Rêveberiya Xweser a Bakur û Rojhilatê Sûrî daxuyaniyek da.
Rêveberiya Xweser: Dixwazin sînorê mîsaqa milî careke din xêz bikin
Rêveberiyê êriş weke beşeke ji pêkanîna xwena Osmaniya nû ya dewleta Tirk binav kir û got;
”Herêmên me dagir dikin, zimanê Tirkî li ser gelên me ferz dikin û bi vî awayî dixwazin sînorên Mîsaqê-Milî careke din xêz bikin.”
Rêveberiya Xweser: Herêmên dagirkirî ji çeteyan re cihekî ewle ye
Rêveberiya Xweser behsa binpêkirinên dewleta tirk yên li wan herêman jî kir û ev tişt anî ziman:
”Wêranî, kuşrin, revandin û her tişta xirab li dijî xelkê herêmê tê meşandin.
Bi hezaran ji şêniyên resen koçberkirin û li şûna wan malbatên çeteyan bi cih kir.
Bi vê re ew herêm bûn kemberek ewle ji wan çeteyan re û ji aliyê leşkerî û erdnîgarî ve têne parastin.”
Rêveberiya Xweser piştrast kir ku ew ê têkoşîna xwe bilind bikin ta hemû herêmên dagirkirin bên rizgarkirin.
