Sala borî ji ber kêmbarîna baranê çandinî li Bakur û Rojhilatê Sûrî paşket.
Netenê ev, ji ber êrişên dewleta Tirk a dagirker ên li ser heremê û qutkirina ava çemê firatê jî rewş xirabtir kir.
Ji vê yekê zirara herî mezin gîhîşt cotkarên heremê
Şîrketa Pêşxistina Çandiniyê A Rêveberiya Xweser ji barên cotkaran sivik bike heta niha 60 hezar ton tov ji cotkaran belavkiriye da ku li heremê çandiniyê ji nû ve pêşbixe.
Ev 2 salin heşkesalî li herêmên Bakur û Rojhilatê Sûrî heye û rewşa çotkaran xerabe.
Ji aliyê din êrişên dewleta Tirk a dagirker ên li ser heremê û qutkirina ava çemê firatê jî rewş xirabtir kir.
Di encamê de qada çandinî û xwedîkirina ajalan bi paş ket.
Şîrketa Pêşxistina Çandiniyê A Rêveberiya Xweser ji bo li heremê çandinî pêşbikeve û cotkaran re alîkar be tov belvakir.
Şîrketî ragihand ku wan heta niha ji bo çandiniya bejayî 60 ton tov li çotkaran belavkirine.
”Sîstema belavkirina tovan baş e û buhaya wê guncaw e”
Têkildarî mijarê Cotekrê bi navê Elî Cemîl Oso û Hevserokê Desteya Çandinî û Avdanê Mihemed El Dexîl axivîn.
Cotkarê bi navê Elî Cemîl Oso, diyar kir ku sîstema belavkirina tovan baş e û buhaya wê guncaw e.
Oso da zanîn ku pirsgirêka li pêşiya wan tenê ew e ku di peydakirina mazotê ya ji bo jenaratorên avdanê ye.
”Ji bo belavkirina mazotê me planek amade kiriye”
Hevserokê Desteya Çandinî û Avdanê ya Bakur û Rojhilatê Sûriyê Mihemed El Dexîl da zanîn ku ji bo çareserkirina belavkirina mazotê planek amade kirine.
Mihemed El Dexîl diyar kir ku ew ji bo destekdayîna cotkaran û peydakirina tov, semad û sotemeniyê di hewldanan de ne û got:
“Armanca me ya sereke çandiniya avî ye, lê em çandiniya bejî jî paşguh nakin û destekê didin wan cotkaran jî.”
El Dexîl destnîşan kir ku tevî bandora hişkesaliyê û dorpêçê kirîna berhemê li gor salên borî baş e.
