Stasyona avê ya Qamişlo wê jinûve were sererastkirin

Li bajarê Qamişlo wê stasyona ava vexwarinê were sererastkirin û ji ber wê, 15 rojan rêjeya ava ku bighêje malan wê kêm be..

Rêveberê Gerînendeya Avê ya bajarê Qamişlo Wasil Esed da zanîn ku wê di 8’ê vê mehê de dest bi sererastkirina stasyona avê ya Qamişlo bikin.

Wasil Esed diyar kir ku ji ber li taxa Hilêlîyê amûrên stasyonê kevin bûne, wê dest bi sererastkirinê were kirin û dema wê jî herî zêde 15 rojin.

90 hezar dolar wê li sererastkirinê biçe.

Esed bang li xelkên bajêr kir ku di rojên ew stasyonê sererast dikin de bila tedbîrên xwe bigrin da bê av nemînin.