2021’an piştî qedexeyên pandemiyê hatin rakirin pêla koçberiya ber bi Almanya ve zêde bû.
Di nava salê de, mîlyonek û 320 hezar kesî koçberî Almanya kiriye.
Rêveberiya Berlîn dixwaze di mijara koçberiyê de çareseriyekê bibîne.
Li gorî rapora koçberiyê ya ku tê payîn îro li Almanyayê ji aliyê Hikûmeta Federal ve bê qebûlkirin, di sala 2021’an de nifûsa koçberî welêt bûyî bi qasî milyonek û 320 hezarî ye.
Ev hejmar li gorî sala borî ji sedî 11,5 zêdetir e.
Hejmara kesên ku di sala 2021’an de ji Almanyayê derketin û li welatên din dest bi jiyanê kirin, hinekî zêde bû.
Rêjeya zêdebûna koçberiyê ji sedî 2,9 hat tomarkirin.
Bi vî awayî, koçberiya di sala 2021’an de ji asta sala 2019’an a ku pandemî dest pê nekiribû, bi qasî 329 hezarî derbas bû.
Di koçberiya bo Almanyayê de romanya di rêza yekê de ye
2021’an jî welatên ku Almanya herî zêde jê koçber girtî, Romanya tê.
Hejmara koçberên ji Romanyayê ber bi Almanyayê ve 202 hezar û 686 e.
Di rêza duyemîn a lîsteyê de welatiyên Almanyayê yên ku vedigerin welatê xwe û yên ji Polonya, Bulgaristan, Sûriye û Tirkiyê tên jî wan dişopînin.
Paytext yek ji bajarên ku biyanî herî zêde li Almanyayê lê dimînin e.
Li gorî hejmarên 2021, yek ji her pênc kesên ku li Berlînê dijîn (nêzîkî 20.2%) ne hemwelatiyê Alman e.
Li Bremenê ev rêje ji sedî 19,3 ye, li eyaleta Nordrhein-Westfalen jî rêjeya biyaniyan bi tevahî nifûsê re ji sedî 14 ye.
Li gorî daneyên Daîreya Îstatîstîkê ya Federal di sala 2021’an de 802 hezar mêr û 521 hezar jin koçberî welat kiriye.
Lêbelê, di sala 2022’an de, tê pêşbînîkirin ku wêne cûda be.
Ji ber piraniya zêdetirî 1 mîlyon mirovên ku di dema şerê li Ukraynayê de koçberî welat bûyîn jin e.
Partiya Keskan: Divê astengî werin rakirin
Parlamentera Partiya Keskan Misbah Xan di daxuyaniya xwe ya li ser mijarê de got,
“Ji bo parastina sîstemên me yên ewlekariya civakî û kêmkirina valahiya hêza kar, divê her sal 400 hezar kes Almanyayê ji bo jiyan û xebatê hilbijêrin.
Xan diyar kir ku divê nêzîkatiyên nîjadperest ji holê bên rakirin û hatin bê hêsankirin.
