Pêvajoya endamtiya Swêd û Fînlandiya ya ji bo NATO dirêj û dirêj dike.
Astengiyên Tirkiye û Macerîstan yên ji bo van welatan, êdî ev welat bihêrs kirin e.
Wezîra Karê Derve ya Alman Baerbock got: Divê herdu welat heta lûtkeya NATO ya Tîrmehê bibin endam.
Wezîra Karên Derve ya Almanyayê Annalena Baerbock daxwaz kir ku ji bo endamtiya Swêd û Fînlandiya ya bo NATO yê êdî dem neyê windakirin.
Annalena Baerbock piştî hevdîtinên xwe yên li Fînlandiya doh li Swêdê bi hempîşeyê xwe re civiya.
Baerbock: Swêd û Fînlandiya herî dawî heta tîrmehê divê bibin endam
Baerbock bal kişand ser peymana sê alî ya ku di civîna bilind a NATOyê ya ku Hezîrana borî li Madrîdê di navbera Tirkiye, Swêd û Fînlandiyayê da hat îmzekirin û got;
Di vê peymanê de, “krîterên zelal” hatine diyarkirin û Swêd û Fînlandiyayê van pîvanan bi cih tînin.
Wezîra Alman bang kir ku berî lûtkeya NATO ya Tîrmehê herdû welat bibin endamên hevbendiyê û ev tişt anî ziman:
“Endamtiya van welatan ji bo NATO girîng e.
Di vî warî de hêviya me ew e ku Tirkiye û Macaristan jî di nav de hemû welatên NATOyê endamtiya Swêd û Fînlandiyê bipejirînin û rê nede derengmayînê.”
Annalena Baerbock da zanîn ku ji roja ewil ve ji bo pêkanîna peymana sê alî Swêd tedbîrên berfireh girtine û destnîşan kir ku ev yek ji bo kêmkirina fikarên Tirkiyê rast û girîng e.
Baerbock diyar kir ku bi tevlîbûna Swêd û Fînlandiyayê ya ji bo NATO’yê wê ewlekariya her kesî xurt bib.
Stoltenberg: Ew dikarin ji hev cuda jî beşdar bibin
Sekreterê Giştî yê NATOyê Jens Stoltenberg di civîna wezîrên parastinê yên NATO ya li Brukselê de got;
Swêd û Fînlandiya dikarin cuda cuda bibin endamên NATOyê.
Mijara herî girîng ne ew e ku endamtiya Fînlandiya û Swêdê di heman demê de were pejirandin an na.”
Stoltenberg diyar kir ku hêviyên wî heye û ew ji bo vê yekê gelek hewildanan dikin.
Rejîma Tirkiyê ya ku piştî şewitandina Qurana Pîroz a li paytexta Swêdê Stockholmê hevdîtinên xwe rawestand, peyameke erênî da Fînlandiyayê ku dikare endamtiya wî erê bike.
Ji 30 endamên NATO’yê tenê Tirkiye û Macarîstanê serlêdanên endamtiya her du welatan qebûl nekirin.
Ji bo ku Swêd û Fînlandiya bibin endamê NATOyê divê endamtiya wan ji aliyê parlementoya hemû welatên NATOyê ve were pejirandin:
