Balyozxaneya Amerîkayê li Şamê Komkujiya Cindirêsê şermezar kir û got: ”Kirinên bi vî rengî li ser îstiqrara Sûriyeyê gef in.”
Şeva Newrozê çeteyên dewleta Tirk li Cindirêsa Efrînê 4 welatiyên Kurd ku dixwestin agirê Newrozê pêxin kuştin.
Balyozxaneya Amerîkayê li Şamê bi rêya hesabê xwe yê Twitterê daxuyaniyek parve kir û komkujî şermezar kir.
Balyozxaneyê got: “Kirinên tundiyê mîna yên 20’ê Adarê li bajarê Cindirêsê pêk hatiye, gefan li îstiqrariya Sûriyê dixwin.”
Balyozxaneyê bang li hemû aliyan kir ku êrişên li dijî sivîlan rawestînin û têgeha hesabxwestinê xurt bikin.
