Koordînasyona Hilbijartinê ya Ewropayê ya Partiya Çepên Kesk ji bo tûra duyemîn a hilbijartinên Serokkomariyê daxuyaniyek parvekir û bang li her kesî kir ku biçin ser sindoqan.
Koordînasyona Hilbijartinê diyar kir ku tevî hemû êrîşên faşîzmê jî Partiya Çepên Kesk di hilbijartinên 14’ê Gulanê de bû partiya sêyemîn a herî mezin a meclîsê û ev tişt anî ziman:
“Ji boku me aliyê herî girîng ê van hilbijartinan ew bû ji bo gelên Tirkiyeyê ji desthilatdariya yekzilamî, pergala nîjadperest û faşîzmê rizgar bibe.
Ji bo vê me di tûra yekemîn a hilbijartinê de bi dirûşma ‘Dengek dîktator hildiweşîne’ kampanyaya hilbijartinê meşand.
Me nehişt ku Erdogan û faşîzm di hilbijartina tûra 1’emîn a 14’ê Gulanê de bi ser bikevin.
Niha dema wê hatiye ku Erdogan û faşîzm di Hilbijartinên Derveyî welat yên 20-24’ê Gulanê de têk biçin.
Ji ber ku zalim, faşîst, nîjadperest, mêtinger zû yan dereng wê têk biçin.”
