Li Sûdanê şerê navxweyî 100 roj lipey xwe hişt.
Di şerê dewam dike de,aborî, perwerde û tenduristî jihev ket.
Li welat pêwistiya 20 mîlyonî bialîkariyê heye.
Li Sûdanê ji ber şerê desthilatdariyê yê di navbera artêş û Hêzên Piştgiriya Bilez (HDK) de, rewşa welat li ber linga diçe.
Ev şerê ku Nîsana 2019 ji bo têkbirina deshilata 30 salî ya Serokê berê Omer El Beşîr ku ku despê kirî, niha jî bi hêrsa deshilatê didome.
Li gorî Wezareta Tenduristiyê ya Sûdanê, di şer de bêtirî 3 hezar kes mirin.
Derbarê kuştî û birîndarên leşker û HDK’ê de jî heta niha ti daneyên zelal û pêbawer nîne.
Lê tê texmînkirin ku jimara kuştiyan ji hezaran derbas kiriye.
Fona Alîkariya Zarokan a Neteweyên Yekbûyî (UNICEF) ragihand ku di şerê navxweyî de herî kêm 435 zarok hatine kuştin û 2 hezar û 25 zarok jî birîndar bûne.
Pêwistiya bêtirî 20 mîlyon Sûdanî bi alîkariyê heye
UNICEFê diyar kir ku nîvê Sûdana ku nifûsa wê 50 milyon e pêwistiya xwe bi alîkariyê heye.
14 milyon zarok jî li benda alîkariya mirovî ne.
Li gorî Rêxistina Koçberiyê ya Navneteweyî, bêtirî 2,6 milyon kes ji ber şer di nava xaka welat de koçber bûne.
Herî kêm 730 hezar kes jî reviyane welatên cîran, bi taybetî Misir, Çad û Sûdana Başûr.
Di nava rewşek wiha de binpêkirinên şer di asta herî jor de ye.
Hewildanên pêkanîna agirbestê bê encam dimîne
Ji bo dawî anîna şerê li welat, di qada navnetewî û herêmî de hewildan hatin kirin.
Di serî de Erebîstana Siûdî û Amerîka ji bo pêkanîna agirbestê zext li aliyan kiribe jî negihiştin encamê.
5 mîlyon kes li paytextê asê mane
Ji ber şer bi hezaran mal û kargeh hatine xerakirin û talankirin.
Bi taybetî hema hema hemû bank, bazarên zincîrî, nûnertiyên dîplomatîk ên li paytextê hatin talankirin.
Gelek îdia hatin kirin ku leşkerên HDK li hin deverên paytext li malên welatiyan dimîne û xizmên xwe li wir bi cih dike.
Li wî welatî ku ji meha Nîsanê ve mûçeyên karmendan nayên dayîn, her çend statîstîkek fermî tune be jî, tê texmînkirin ji ber şer bi mîlyaran dolar ziyan pêk hatiye.
Nêzî 5 mîlyon mirovên li paytext Xartûmê ji tirsa elektrîk, qutbûna av, kêmbûna sotemenî û xwarinê, asê man.
