Fermandariya Giştî ya YPJ’ê nasnameya 4 şervana xwe eşkere kir

Fermandariya Giştî ya YPJ’ê nasnameya 4 şervana xwe eşkere kir.
Fermandariyê got: “Şervanên me duh di encama qezayekê de şehîd bûne.
Ji bo jiyanîkirina xewn û xeyalên hevrêyên xwe heta dawiyê em ê têkoşîna xwe bidomînin.”

Fermandariya Giştî ya Yekîneyên Parastina Jin-YPJ’ê bi daxuyaniyekê nasnameya 4 şervanên xwe eşkere kir.

Fermandariyê diyar kir ku şervanên wan dema li ser erka xwe bûn di encama qezayekî de şehîd bûn.

Fermandariyê sersaxî ji malbatên şehîdan û gelê Kurd re xwest û got:

“Bi şoreşa Bakûr û Rojhilatê Sûrî re jinên ku li ser vê axê dijîn weke lehiyê ber bi nava refên azadiyê ve herîkin ..

Xwe li derdora paradîgmaya civakeke demokratîk, ekolojîk û azadîxwaziya jinê kom kirin.

Jinên wêrek rêxistinbûna xwe jî bi navê Yekîneyên Parastina Jin şênber kirin.

Agirê şoreşê ku taritiya serdêmê ji holê rakir, bi pêşengtiya jinên tekoşer nexşerêya azadiya civakan ronî kir.

Helbet di oxira vê dozê de gelek hevrêyên me yên hêja canê xwe feda dikin.

Hevrêyên me Hesina Mûsa Mihemmed (Avaşîn Cûdî), Hîba Abdulqadir Bekir (Hîba Hesekê),

Bêrîvan Abdil Xelef (Bêrîvan Hesekê),

Û Emîne Nebo Silêman (Dilar Kobanê) jî bi vî ruhê pîroz ji bo azadiya gelê xwe kedeke bêhempa dan.

YPJ’ê dawiyê tekez kir ku ji bo jiyanîkirina xewn û xeyalên hevrêyên xwe ew ê têkoşîna xwe bidomînin.

Li gorî daxuyaniyê nasnameyên şehîdan wiha ye: