Îro Meclisa Giştî ya Rêveberiya Xweser a Bakur û Rojhilatê Sûriyê, civîneke awarte ji bo nîqaşkirina rewşa aborî, li bajarê Reqayê li dar xist.
Civîn bi beşdariya 40 hevserokên encûmenên zagonsaz û endamên meclisa giştî pêk hat.
Ji 7 Herêmên Rêveberiya Xweser her herêmekê rewşa xwe vegot.
Di encamnameya civînê de, hin piyar hatin standin, ji wan.
- Lijneyek taybet bi desteya darayî re were çêkirin û botçeya karmendên rêveberiya xweser li gorî bihabûna jiyanê were destnîşankirin.
- Zêdekirina para her kesekî ji nan bi rêjeya 25% û zêdekirina cezayan.
- Zêdekirina mazota çandiniyê bi rêjeya 20% û başkirina wê.
- Xaza malan mehane were dayîn.
- Sotemeniya erebeyan mehane were dayîn.
- Pêkanîna projeyên zivtkirina rêyan.
- Zêdekirina çavdêriya Temwînê, rêgirtina li pêş keysbaziyê, çavdêriya nirxên derman, doktor û nexweşxaneyan.
- Avakirina komîteyan ji meclisên zagonsaz ên Rêveberiyên Xweser û Sivîl ji bo şopandina karê daîreyên sotmenî, aşxane û firneyan.
https://youtu.be/Jh9la_vovQs
