Wezîrê Karên Derve yê DYA Blinken daxwaz kir ku hikumeta bi derbeya li Nîjerê hat hilweşandin, ji nûve bê avakirin.
Blinken piştgiriya xwe ya ji bo çareseriya aştiyane ya pirsgirêkê diyar kir.
Wezîrê Karên Derve yê Dewletên Yekbûyî yên Amerîkayê (DYA) Antony Blinken, piştî ku Civaka Aborî ya Dewletên Rojavayê Afrîkayê (ECOWAS) ragihand ku ji bo derbeya li Nîjerê bişkînin dê hêzeke leşkerî bê avakirin, banga çareseriya aştiyane kir.
Blinken di konfêranseke çapemeniyê ya bi hempîşeya xwe yê Meksîkî re bersiv pirsên rojnamevanan da û got:
“Amerîka biryardariya ECOWAS’ê ji bo nirxandina hemû vebijarkan a ji bo çareseriyek aştiyane ya krîzê pîroz dike.
ECOWAS a ku welatên rojavayê Afrîkayê li hev dicivîne,
rolek sereke di zelalkirina hewcedariya vegera bo rêza destûrî de dilîze.
Em bi tevahî piştgirî didin serokatiya ECOWAS û xebata li ser vê mijarê.”
Cûnta leşkerî ya Nîjer wê ji ewlehiya bazûm berpirsyar be
Blinken di axaftina xwe ya li civîna çapemeniyê de diyar kir ku DYA û ECOWAS ji bo ewlehiya Bazumê bûne yek û piştî derbeyê gelek caran bi Bazûmê re hevdîtin kirine û ev tişt anî ziman:
“Amerîka jî mîna ECOWAS, ji ewlekariya Serok Bazûm, malbata wî û endamên hikumetê Konseya Parastinê berpirsyar dibîne.”
Welatên rojava piştî Malî ditirsin ku Nîjer ji Koma Wagner a Rûsî alîkariyê bixwaze.
DYA jî Serokê Wagner Yevgeni Prigojin û çekdarên Wagner wekî rêxistinek sûcê navneteweyî pênase dike.
Wagner bi piştevaniya darbekarên li Nîjerê û têkdana aramiya li welat tê sûcdarkirin.
Tevî ev Nîjer, heftemîn hilberînerê herî mezin ê uranyumê ye, ku ji bo hilberîna enerjiya nukleer materyalek pir girîng e yek ji welatên herî xizan yê cîhanê ye.
Piştî Malî û welatên din ên cîran li şûna hêza kolonyal a berê Fransa, nêzî Rûsyayê bûn girîngiya Nîjerê ji bo Rojava zêde bû.
