Qeyûmê ku li Şaredariya Bajarê Mezin a Wanê ya HDP’î hatibû erkdarkirin, di nava mehekê de qaseya şaredariyê vala kir.
Piştî qeyûm li Şaredariya Wanê hat erkdarkirin di nava 45 rojan de şaredarî hate talankirin.
Qaseya Şaredariyê di demeke kurt de hate valakirin.
Qeyûm wiha li şaredariyê kir ku nikare mûçeya karkeran jî bide.
Bi dehan karker bêheqdest ketin destûrê.
Karkerên ku li Şaredariya Bajarê Mezin a Wanê dixebitin, diyar kirin ku serokên daîreyan bi wan re axivîn û gotin,
“Hûn li vir bixebitin jî nexebitin jî em nikarin mûçeyan bidin we.
Di qaseya şaredariyê de pere nîne.
Şaredariya Bajarê Mezin a Wanê yek ji sê şaredariyên bajarên mezin e ku hikumeta AKP-MHP’ê di 19’ê Tebaxê de bi darbeyekê dagir kir.
