Derbarê doza kuştina Nûnerê KNK’ê yê Başûrê Kurdistanê Denîz Cevdet Bulbun, 2 kes hatin binçavkirin. Lê kujerê Denîz Cevdet bi xwe reviyaye Bexdayê û lêgerîn berdewame.
Di 18’ê Îlonê de êrişî Nûnertiya Kongreya Neteweyî ya Kurdistanê (KNK) ya li Hewlêrê hate kirin û encamê de Nûnerê KNK’ê yê Hewlêrê Denîz Cevdet Bulbun şehîd ket.
Parêzerê doza şehîd Denîz Cevdet Aso Haşim axifî û got:
“2 tometbar li ser doza kuştina Denîz Cevdet hatine binçavkirin.
Kujerê Denîz Cevdet jî reviyaye Bexdayê.
Yên hatî binçavkirin temenê yekê 45 salî û yê din jî 38 salî bû.
Her 2 kes jî ji tirkin.
Her wiha tometbaran li xwe mikûr hatine, lê kujerê Denîz Cevdet bi pereyan kirê hatiye û ji netewa Erebe.
Kujer reviyaye Bexdayê û dezgeha emnî bi girtina kujer re mijûlin.
Rêkar bi şêweyek yasayî rêve diçe. Li gorî yasaya terorê tawanbar dê werin darizandin.”
