Îro salvegera şewitandina Sînameya Amûdê ye.
Beriya 63 salî, li sînemaya Amûdê zarokên Kurd rastî komkujiyekê hatin û 283 zarokan jiyana xwe ji dest da.
Lê berpirsên vê komkujiyê heta niha eşkere nebûn û nehatine cezakirin.
Di dîroka Kurdan de yek ji komkujiyên herî mezin li navçeya Amûdê ya Qamişlo li dijî zarokan pêk hat.
Beriya 63 salan di 13’ê Mijdara 1960’an de 283 zarokên kurd ku çûbûn Sînemaya Amûdê jiyana xwe ji dest dan.
Di 13’ê Mijdara 1960’an de li bajarê Amûdê zarokên kurdan ji aliyê mamosteyên rejîma baasê ve ji bo filmekî misrî temaşe bikin hatin komkirin.
Fîlm ji bo piştgiriya şoreşa Cezaîrê ya li dijî Fransayê bû.
Temenê kertên beşdariya fîlmê dê wek piştgirî ji şoreşê re bihata şandin.
283 zarokên Kurd di nava agir de can dan
Ruxmî ku film yê Ferîd Şewqî û Zehra El Ula bû û ne ji bo zarokan bû.
Cihê ku fîlim bihata temaşekirin 200 kes bû lê di wê sînemayê de 350 zarok hatin bicihkirin û avahiya sînemayê ji heriyê hatibû çêkirin.
Milkêş bû, banê wê tev text û pûş bû. Dîwarên wê ji hundir ve bi çiwal hatibûn pêçan.
Agir bi projesiyonê yê kevn ket. Dûre agir li dîwarên darîn, mobîlya û laşên zarokan belav bû.
Agir bi ban, dîwarên darîn û kursiyên darîn ket. Qerebilxa zarokan rewş girantir kir.
Tenê deriyek hebû ku dikarin ji wir derkevin. Lê ji ber qerebalixê, hat girtin.
Zarok di hundir de man. Ne mamoste û ne jî rêveberê dibistanê kesek bi wan re tune bû.
Komkojiya Sînema Amûdê felaketa di bîra civakê de zindî ye
Xelkê bajêr, dengê qîrîna zarokan bihîst. Bi hawara wan çûn.
Dema xelkê bajêr hewl da zarokan derxin, banê dar ket.
Di encamê de ciwanê bi nave Mihemed Seîd Deqûrî jiyana xwe ji dest da ku derdora 12 zarok ji şewatê xilas kir.
Di wê şewatê de, zêdetirî 280 kes jiyana xwe ji dest dan.
Di nav wan de 200 şagirtên seretayî hebûn ku temenê wan 12 sal derbas nedikir.
Buyer, di dîroka bajêr, bîra kurdî û Sûriyeyê de felaket bû.
Desthilata li bajêr ku wê demê Yekitiya Sûriye-Misirê bû, lêpirsîn çênekir.
Hikumetên Sûriyeyê yên li dû wê jî hatin, tu helwest nîşan neda.
Zarokên ku ji wê felaketê rizgar bûne, niha temenê wan 70 salî ye.
Desthilata wê demê neku Komara Erebî ya Yekgirtî, buyer li dijî kesên nenas qeyd kir.
Avahî ne xwediyê taybetmendiyên sînemayê bû.
Tevî evqas delîlên nakok ku dide xuyakirin ev bûyer bi plankirî pêkhatiye lê heta niha derbarê komkujiyê de ti lêpirsîn nehatiye vekirin.
https://www.youtube.com/watch?v=E5s1YOJNDnA&t=29s
