Li Îngilistanê rewşa penaberên derqanûnî derbasî welêt dibin bû mijara nîqaşê.
Ji bo çareseriya penaberan pêşnûmeyek pêşkeşî parlamentoya Îngilîstanê hat kirin.
Di dengdanê de pêşnûme bi 313 dengên ‘erê’ û 269 dengên ‘na’ hat qebûlkirin.
Ji bo pêşnûmeya şandina penaberan li Ruandayê li welatên rojavayî û her wiha Îngilîstanê bûbû mijara nîqaşê.
Pêşnûme 313 dengên “erê” û 269 dengên “na” hatin dayîn.
Serokwezîr Rishi Sunak dema ku pêşnûme li Meclisa Avamê ya ku di bin piraniya muhafazakaran de bê pirsgirêk hat qebûlkirin, pê kêfxweş bû.
Sunak beriya dengdanê li ser hesabê xwe yê medyaya civakî daxuyanî da û bang li endamên partiyê kir ku piştgiriyê bidin “pêşnûmeya li dijî koçberiya neqanûnî.”
Rishi Sunak derbarê pêşnûmeyê de wiha got:
“Ev pêşnûme dê rê bide me ku li ser kesên derbasî welat bibe kontrol bikin.
Ji bo rawestandina keştiyên derqanûnî divê em piştgiriyê bidin vê pêşnûmeyê.”
Armanca hikûmeta Îngilîstanê ya şandina kesên ku par bi qaçaxî derbasî welêt bûbûn û daxwaza penaberiyê kiribûn, pêşî ji aliyê Dadgeha Mafê Mirovan a Ewropayê û piştre jî ji aliyê Dadgeha Bilind a Londonê ve hat astengkirin.
Naveroka peymana ku bi Ruandayê re hatiye kirin
Li ser vê yekê, Îngilîstanê di 5’ê Kanûnê de bi Ruanda re peymanek nû îmze kir.
Li gorî vê peymanê, koçberên neqanûnî yên ku ji aliyê Îngilîstanê ve ji bo Ruandayê hatine şandin, ji bilî Îngilîstanê nikarin ji bo welatekî sêyemîn werin dersînorkirin.
Dê piştgirî ji bo daxwazên qanûnî yên van kesan bê kirin, ku dê wek penaberên din ên li Ruandayê xwedî heman mafên bin.
Berpirsiyarên Ruandayê dê ji aliyê çavdêrên serbixwe ve bên kontrolkirin.
Bi pêşnûme-qanûnê re, Ruanda dê wekî welatek ewle were hesibandin ku koçberên neqanûnî jê bêne dersînor kirin.
Pêngavên qanûnî û pêkanînên ku nîşan didin ku Ruanda ewle ye jî dê werin sepandin.
Li aliyê din Ruanda hişyarî da ku eger Îngilîstan pabendî yasayên navneteweyî nebe welatê wê dê peymanê betal bike.
