Mexdûrên erdheja li Çînê di nav serma û seqemê de ne

Li Çînê di encama erdhejê de herî kêm 131 kesan jiyana xwe ji dest dan.
Kesên ku ji erdhejê rizgar bûn jî di nava serma û seqemê de ne.
Rayedarên Çînê her wiha hişyarî dan ku rojên bê dibe ku zêdeyî 5 erdhejên mezin rû bidin.

Erdhej di 18’ê Kanûnê şeva Duşemê de li eyaleta Gansûyê qewimî ku bi 1300 kîlometreyî li başûr-rojavayê paytext Pekînê ye.

Li gorî medya Çînê, mezinahiya erdhejê 6.2 pile bû.

Li navçeya Jîshîshan a li eyaleta Gansû ku navenda erdhejê ye, ji bo malbatên xizan yekane derfetên xwegermkirinê sobeyên li derve û betaniyeyên bi zor û zehmetî ji binê xirbeyan hatin derxistin e.

Li şaredariya Lîgoûyê, gel li binê konên mezin ên li qadeke basketbolê hatiye bicihkirin.

Li gorî medya dewletê CCTV bi giştî nêzî hezar birîndar rakirin nexweşxaneyê.

Hate ragihandin ku tenê li eyaleta Gansûyê 87 hezar kes li ‘stargehên demkî’ hatin bicihkirin.

Di erdhêjê de herî kêm 131 kes mirin

Li gorî bîlançoya demkî ya heman çavkaniyê, li eyaleta Gansû 113, li eyaleta Qînghaî jî 18 kesan jiyana xwe ji dest dan.

Ji ber ku sih saet di ser erdhejê re derbas bûn, her wiha ji ber şert û mercên sermayê hêviyên ji bo rizgarkirina mirovên di binê xirbeyan de mane, kêm bûye.

Li bakurê Çînê di asta rekorê de serma û seqem heye.

Şeva Sêşemê li bajarokekî eyaleta Shanxiyê germahî di -33.2 pileyî de bû.

Tê texmînkirin ku germahiya li navçeya Jîshîshanê jî roja Çarşemê dakeve -17 pileyî.

Bi hezaran wezîfedarên rizgarkirin û arkujiyê ji herêma karesatê re hatin şandin.

Rayedarên Çînê: Dibe ku zêdeyî 5 erdhejên mezin rû bidin

Li gorî medya dewletê ya Çînê ji eyaleta Gansû re 2.500 kon, 20.000 çakêt û 5000 nivîn hatine şandin.

Rayedarên Çînê her wiha hişyarî dan ku rojên bê dibe ku zêdeyî 5 erdhejên mezin rû bidin.

Li eyaleta Sîchûanê di sala 2008’an de di encama erdhejeke giran de 5 hezar û 335 jê zarokên xwendekar, zêdeyî 87 hezar kes mirin, yan jî birîndar bûn.

Li Çînê bi lerza 6,2 erdhej pêkhat

Back to top button