Li Kobanê çalakiyên bi beşdariya jin û zarokan re bi pêngava bi navê “Hevgirên jîngehê bin” ji aliyê Saziya Jîngehê ya Herêma Firatê Bakur û Rojhilatê Sûriyeyê ve hatiye destpêkirin.
Kobanê-Rêveberiya Jîngehê ya Herêma Bakur û Rojhilatê Firatê ji destpêka meha Çileyê ve ji bo parastina jîngehê û avakirina civakeke hestiyar ji hawirdorê re pêngava çandina daran bi dirûşma “Hevgirên jîngehê bin” da destpêkirin.
Di çarçoveya pêngavê de armanc çandina hezar û 500 daran e.
Seroka Ajansa Hawirdorê Almaz Rumî behsa armancên bi vê pêngavê kir û got;.
“Ji bo em vê nifşê bi çanda parastina jîngeh û xwezayê mezin bikin, me bi hevkariya xwendekaran dest bi pêngava çandina daran li dibistanan kir.
Çanda daran xwedî girîngiyeke mezin e ne tenê di warê zêdekirina deverên hêşîn de, ji ber ku dar hewayê paqij dikin û dibin alîkar ku rêjeya oksîjenê di atmosferê de zêde bibe.”
