Hat ragihandin ku di şewata ku li Bangladeşê li avahiyeke 6 qatî ya ku gelek xwaringehan lê dihewîne de herî kêm 45 kes mirin û bi dehan kes jî birîndar bûn.
Rayedarên agirkujiyê ragihandin ku şewata ku roja Pêncşemê li paytext Dakkayê derket, dibe ku ji ber gazê an jî sobeyê derketibe.
Wezîra Tenduristiyê Samanta Lal Sen daxuyanî da rojnamegeran û diyar kir ku 22 kesên ku şewitîn li nexweşxaneyan tên dermankirin.
Serokwezîr Şêx Hesîna ferman da rayedaran ku demildest dermankirina birîndaran bikin.
Hat ragihandin ku agirkujên ku hîna ji bo paqijkirin û sarkirina bermahiyan dixebitin, vînç bikar anîn da ku mirovan ji avahiya şewitî xilas bikin.
Di avahiyê de 45 kes mirin û dehan kes birîndar bûn
Bijîşkan diyar kirin ku piraniya kesên jiyana xwe ji dest dane bi xeniqînê mirine, hinek jî dema ji avahiyê xwe avêtibûn jiyana xwe ji dest dane.
Gelek zarok di nav 54 kesên ku di Tîrmeha 2021’an de li kargehek hilberîna xwarinê li derveyî Dakka mirine.
Di Sibata 2019’an de di şewata ku devereke dîrokî ketibû de herî kêm 70 kes mirin.
