Rûsyayê bi balafirên bê mirov êrîşî bakurê Ukraynayê kir û di encama vê yekê de binesaziya enerjiyê xisarek dît.
Artêşa Ukraynayê ragihand ku wan kariye 12 balafirên bêmirov asteng bike.
Her wiha dema ku Amerîka ji nû ve alîkariya çekan ji Ukraynayê re bilez dike, Rusya xwe amade dike ku bi çekên nukleerî xwe nîşan bide.
Serokê Rûsyayê Vladimîr Pûtîn talîmat da artêşa xwe ku bi çekên nukleerî tetbîqatan pêk bînin.
Li aliyê din Medyaya fermî ya Rûsyayê ragihand ku Moskow, Serokê Ukraynayê Volodymyr Zelensky xistiye lîsteya lêgerînê.
Êrîşên du alî yên Rûsya û Ukraynayê didomin.
Rûsyayê tevahiya şevê binesaziya enerjiyê ya li bajarê Sumy yê li bakurê rojhilatê Ukraynayê kir armanc.
Di encama êrîşên bi gelek balafirên bê mirov de 400 hezar mal bê ceyran man.
Artêşa Ukraynayê ragihand ku wan kariye 12 balafirên bêmirov asteng bike.
Balafirên bêmirov ên Ukraynayê li bajarê Belgorod ê Rûsyayê bûn sedema mirina 6 kesan.
Balafirên bêmirov li 2 basan xistin, 6 kesên diçûn kar mirin û 35 kes jî birîndar bûn.
Her wiha dema ku Amerîka ji nû ve alîkariya çekan ji Ukraynayê re bilez dike, Rusya xwe amade dike ku bi çekên nukleerî xwe nîşan bide.
Serokê Rûsyayê Vladimîr Pûtîn talîmat da artêşa xwe ku bi çekên nukleerî tetbîqatan pêk bînin.
Wezareta Parastinê ya Rûsyayê ragihand ku tetbîqata nukleerî ya ku hêzên deryayî û hêzên bejayî jî tê de beşdar dibin, dê li nuqteyeke nêzî axa Ukraynayê were lidarxistin.
Di daxuyaniyê de hat destnîşankirin ku asta amadebûna hêzan wê were ceribandin.
Rûsyayê Zelensky xist nava lîsteya lêgerînê
Li aliyê din Medyaya fermî ya Rûsyayê ragihand ku Moskow, Serokê Ukraynayê Volodymyr Zelensky xistiye lîsteya lêgerînê.
Li gorî Wezareta Karên Hundir a Rûsyayê, Zelensky û Petro Proşenko niha di lîsteya lêgerînê de ne.
Fermandarê hêzên bejayî yên Ukraynayê Oleksandr Pavlyuk jî di lîsteyê de cih digire.
Lê belê hurgiliyên ku rayedarên Ukraynayê bi çi tên tawanbarkirin nehat dayîn.
Wezareta Derve ya Ukraynayê bertek nîşanî nûçeyên ku Zelensky di lîsteyê de cih digire, da.
Wezaretê ev gav wek “delîlên bêçaretiya dezgeh û propagandaya dewleta Rûsyayê” bi nav kir.
Di lîsteya lêgerînê ya Rûsyayê de rayedar û parlamenterên welatên NATO’yê jî hene.
Di nav wan de serokwezîrê Estonya Kaja Kallas jî heye, yê ku parêzvaniya zêdekirina alîkariya leşkerî ji Kievê re û cezayên bihêztir li dijî Moskowê dike.
Zelenskiy: Bêyî serkeftina şer em nikarin tevlî NATO’yê bibin
