Girtî bi her awayî rastî binpêkirina mafan tên û mafê wan ê hêviyê ji holê tê rakirin.
Bi awayekî bêhiqûqî poşmantî li girtiyan tê ferzkirin.
Lijneyên Çavdêrî û Îdareyê yên li Girtîgehan di navbera salên 2021 û 2023’yan herî kêm berdana 384 girtiyan hate taloqkirin.
Endama ÎHD’ê Nûray Çevîrmen destnîşan kir ku divê lijneya ku “Mafê Hêviyê” ji holê radike bê betalkirin.
Lijneyên Çavdêrî û Îdareyê ku ji çileya 2021’an ve li girtîgehan ketine meriyetê bi biryarên xwe yên çavdêriyê înfaza girtiyên ku divê bi şertê kontrola edlî bên berdan an 3 an jî 6 mehan taloq dike.
Ev jî bi xwe re gelek mexdûriyetan tîne.
Li gorî daneyên Komeleya Mafên Mirovan-ÎHD di navbera salên 2021 û 2023’yan de herî kêm berdana 384 girtiyan hate taloqkirin.
Girtiyên ku di serlêdanên xwe yên li ser mijarê li ÎHD’ê kirin de dan zanîn ku lijne bi nêzîkatiyên siyasî nêzî wan dibe û “poşmantiyê” li wan ferz dike.
Nûray Çevîrmen: Lijne weke dadgehê tevdigerin
Endama Lijneya Rêveberiya Navendî ya ÎHD’ê Nûray Çevîrmen anî ziman ku taloqkirina berdanan yek ji pirsgirêkên bingehîn ên li girtîgehan diqewimin e û got:
“Di çarçoveya hin deman de bi periyodên 3 meh, 6 meh û 12 mehan berdan tên astengkirin.
Neqebûlkirina hevdîtina girtî ya bi meleyî re, bi psikolog re, negirtina pirtûkan a ji pirtûkxaneyê an jî xwendina zêde ya pirtûkan ji neberdana girtiyan re dikin hincet.
Dîsa yek ji sedemên din jî tevlinebûna aktîvîteyên civakî tê nîşandan ku ev mijareke girîng e.
Îdareya ku nahêle girtî vî mafê xwe bikarbînin, weke sedema neberdana girtiyan jî vê yekê têxe nava dosyayê.
Her çiqas rêveberî divê teqez hemû mafên di qanûnan de hatine naskirin bi cih bîne jî, bi cih naîne û dibe sedem ku girtî neyê berdan.”
Nûray Çevîrmen: Girtî bi her awayî rastî binpêkirina mafan tên
Nûray Çevîrmen diyar kir ku di girtiyekî 36 sal ceza lê hatibe birîn neçar dimîne ku temamê cezayî di girtîgehê de temam bike û wiha domand:
“Girtî bi her awayî rastî binpêkirina mafan tên û mafê wan ê hêviyê ji holê tê rakirin.
Bi awayekî bêhiqûqî poşmantî li girtiyan tê ferzkirin.
Lijneya Çavdêrî û Îdareyê pirsên “Em çekê bidin we hûn ê me bikujin? Derbarê rêxistinê de çi difikirin?” li girtiyekî kirine.
Divê Lijneyên Çavdêrî û Îdareyê yên li ser cezakirinê hatine avakirin teqez bên rakirin û betalkirin.
Name û daxwaznmaeyên girtiyan ên ji bo rakirina binpêkirinan ji saziyan re tên şandin tên desteserkirin. “
