Dewleta dagirker ku li hemberî berxwedaniya gerîla xitimiye rojane bi dehan caran çekên kîmyewî bi kar tîne.
HPG’ê ragihand dagirkeran di nava 2 rojan de 67 caran çekên qedexekirî û kîmyewî li ser tunelên şer ên gerîla bi kar anî.
Di serî de li Zap, Metîna û Xakûrkê, dewleta Tirk a dagirker ku li herêmên parastina Medya xitimiye rojane bi dehan caran çekên kîmyewî bi kar tîne.
Navenda Ragihandin û Çapemeniyê ya HPG’ê bi daxuyaniyekê ragihand ku dagirkeran di nava 2 rojan de 67 caran çekên qedexekirî û kîmyewî li ser tunelên şer ên gerîla bi kar anî.
Li gorî vê;
27 û 28’ê Gulanê li Herêma Şehîd Delîl a Rojavayê Zapê,
tunelên şer ên li Qada Berxwedanê ya Girê FM’ê 63 caran bi gazên kîmyawî û 3 caran jî bi teqemeniyên qedexekirî hatin bombekirin.
Tûnelên li Qada Berxwedanê ya Girê Cûdî û Girê Amediyê jî 12 caran bi droneyên bombebarkirî û careke bi teqemeniyên qedexekirî hatin bombekirin.
Di heman dîrokê de herêmên Xakurkê, Zap, Garê û Metînayê jî bi giştî 13 caran bi balafirên şer hatin bombekirin.
Li rojavayê Zapê gerîla li dagirkeran da: Pergala raderê hat îmhakirin
HPG’êragihand ku li herêma rojavayê Zapê 27’ê Gulanê hêzên gerîla dagirkerên li Qada Berxwedanê ya Girê FM, Girê Cudî û Amediyê bi çekên giran û nîv otomatîk kirin armanc.
28’ê Gulanê jî li dijî dagirkerên ku li girê Amediyê dixwestin pergala radarê bi cih bikin çalakiya sekvanî hat kirin û pergala radarê hate bêkêrkirin.
