Hevdîtina di navbera Serokê Rûsiya Purtîn û Serokkomarê Tirkiye Erdogan de, di rojeva çapemeniya cihanî de jî cihek berfireh girt.
Di çapemeniyê de, Putîn weke serkeftî û Erdogan jî windakerê li Idlibê hate nîşandan.
Lihevkirina ku gelek alî weke ‘agirbest’ binav dikin, di çapemeniya navneteweyî de jî cihek berfireh girt.
Li gor Rojnameya Financial Times, lihevkirina Moskovayê dibe ku parçeyek rehetî bi xwe re bîne, lê ne gengaze ku krîzê çareser bike.
Di rojnameyê de hat gotin ku, Erdogan wiha di fikirî ku bi tevlibûna kluba Putin a antî-liberal re wê car din hêz û prestij bi dest bixe le bi ketina nav şerekî ku dizane nikare bi ser bikeve hat lîstoka Kremlîne.
Derbarê Şantajên Erdogan yên derheqê koçberan de jî financiel times wiha nivisî:
Kêfa Erdogan li hejandina Ewropa bi gefên li ser koçberan tê lê yê ku heftar di dest de ye Pûtîn e.
Ewropiyan û Amerîkiyan, berpirsyariya felaketa Sûriyê ji ser xwe avêtin.
Nêzîkatiyên Erdogan, hincetek din da wan ku vê helwesta xwe dewam bikin.
Rojnameya The Times jî destnîşan kir ku, yê ku bi lihevkirinê bi ser ket Pûtîn e.
Nûçegihanê rojnameyê yê rojhilata Navîn Richard Spencer wiha nivîsî:
‘Bi salan dîplomatan ji mere gotin çareseriyek leşkerî jî krîza suriyê re nîne. Lê lihevkirina duh li Moskova ji me re nîşan dide ku hêz di ‘devê lûleyê de ye’.
Artêşa dewleta Tirk, her çiqas Esad ew weke hêzêk dagirker bi nav bike jî, bi dewriyeyên hevbeş li ser rêya M4, wê li Sûriyeya serwer rolek fermî bilîze.
Di encamnameya hevdîtinê de, derbarê xebatên ku li Idlibê bên kirin de qala hikûmeta Sûriyê nayê kirin.
Ev yek, ji aliyê berjewendiyên xwe ve parvekirina Sûriyê, bi hesabê Pûtîn û Erdogan jî tê.
Disa encamname bi erebî nehat weşandin.
Ev jî nişan dide bê ka hefsarê şerê li idlibê di destê kijan aliyan de ye.
‘Dibe ku kêmekî bêşeriyê bêne, lê nîşaneyên çareserkirina krîzê xuya nake’ Rojnameya Financal Times jî bi vê manşetê hevdîtina aliyan şîrove kir.
Her wiha rojnameyê nêzîkbûna Erdogan ya ji bo Putîn jî bi biçûkbûnê pênase kir.
Rojname di nivîsa xwe de, careke din hêrsa welatên li nava NATO ya kirîna dewleta tirk ji sîstema parastinê ya Rûsî re bibîr dixe.
Li gor rojnameya Alman Reutlinger General-Anzeiger Erdogan xwe li Idlibê xist taxek ku rêya derketine lê nîne.
Li gel vê yekê jî divê bruksel û enqere zêdetir dûrî hev nekevin, destê Putin ku dixwaze Yekîtiya Ewropa û NATO’yê parçe bike newe xurtkirin û yekîtiya ewropa bi tirkiyê re ji bo koçberan formûlen çareseriyên navber bibîne.
Süddeutsche Zeitung jî da zanîn ku Kremlîn bi pêşniyara agirbestê dikare dem bide Enqerê.
Lê Rûsya di her kêliyê de dikare lîstoka xwe ya zirav car din têxe dewreyê.
