Nêzî hezar zarokên Fasî yên li bajarê Ceuta yê Spanyayê, li benda serlêdana ji bo penaberiyê ne.
Hefteya derbasbûyî ji 8 heta 9 hezar kesî bi avjeniyê xwe gihandin bajarê Ceuta yê Spanyayê.
Ji wan 7 hezar û 500 kes careke din vegerandibûn Fasê.
Lê belê rayedarên Spanyayê diyar kirin ku nêzî hezar zarok li Ceutayê mane.
Hate ragihandin ku ev zarokên bi tena serê xwe ne, li kolanên bajêr di nava şert û mercên giran û derfetên kêm de hewl didin bijîn û ji aliyê rayedarên xwecihî ve li stargehan hatine bicihkirin.
Rayedar wê rewşa her zarokekî cuda binirxînin, li gorî vê yekê biryarê bidin ku dikarin li Spanyayê bimînin yan jî ji Fasê re bêne şandin.
Li bajarê Ceutayê ku nifûsa xwe 85 hezar kes e, 10 hezar koçber lê ne.
