Delegasyona Navneteweyî ya ji bo Azadî û Aştiyê xwest ku endamên Şandeya Aştiyê yên hatine girtin, yan jî dersînorkirin hemû bên berdan.
Aliyên li Almanyayê jî bertek nîşanî astengkirina Şandeya Aştiyê dan.
Platforma Ol û Baweriyan a Mezopotamyayê jî got ku binçavkirina endamên Şandeya Aştiyê li balafirgeha Hewlêrê şaştiyeke dîrokî ye.
Şandeyek ji siyasetmedar, parêzvanê mafê mirovan, nûçegihan û aktivîst duh ji bo ku pêşî li şerekî pêkan ê nav Kurdan bigirin û balê bikişînin ser êrîşên dagirker ên Tirk ên ser başûrê Kurdistanê xwestin ku ji ji Almanyayê werin Hewlêrê.
Aktivîstên ku bi rêya Hewayî xwe gihandin Hewlêrê ji hêza hêzên çekdar ên PDK’ê ve hatibû astengkirin û dersînorkirin, 27 kesên şandeyê ku dixwestin ji Almanyayê bêne Hewlêrê ji hêla polîsên Alman ve hatibû astengkirin.
Delegasyona Navneteweyî ya ji bo Azadî û Aştiyê li Kurdistanê derbarê astengiyên li Hewlêrê daxuyaniyek da.
Delegasyonê got ku wan bi 150 kesî ji 14 welatan xwest ku tevkariyê li diyaloga navbera aktorên siyasî yên Kurd bikin, diyalogê bi parlamenterên hemû partiyan re çêbikin û serdana saziyên civakî yên sivîl bikin.
Di daxuyaniyê de ev daxwaz hatin kirin:
1- Endamên Şandeya Aştiyê yên hatine girtin, yan jî dersînorkirin hemû bên berdan û destûr ji wan re bê dayin ku tevlî yên mayî bibin.
2- Aktorên siyasî yên Kurd hemû diyalogê bi hev re çêbikin.
3- Em bang li saziyên mirovî û siyasî yên navneteweyî dikin ku piştgiriyê bidin çareseriyeke aştiyane û Artêşa dewleta Tirk divê tavilê ji herêmê vekişe.”
Aliyên li Almanyayê bertek derbarê astengiya dijî şandeya Aştiyê nîşan dan
Aliyên li Almanyayê jî bertekên xwe derbarê astengiya dijî Şandeya Aştiyê nîşan dan.
Lijneya Rêveberiya Federal a Partiya Çepgir ji hikûmeta Merkel derheqê rûdanê daxuyaniyeke berfireh xwest.
Ji rêveberên Partiya Çepgir Jorg Schîndler jî diyar kir divê polîs karê siyasetmedaran asteng neke û rexneyên tund anî ser rêveberiya Berlînê.
Schîndler got, ”Dewleta Elman divê nebe xulamê Erdogan”, diyar kir şande ji bo karekî mirovî û li gorî hiqûqê hewl daye tiştinan bike.
Serokê Meclîsa Partiya Demokratên Sosyal Caralo Veît têkilî astengkirina du endamên meclîsa wan helwest nîşan da û xwest ku derheqê rûdanê lêkolîneke berfireh were kirin.
Yek ji sendîkaya nûçegihanan a Elmanya Verdî jî got astengkirina endamên wan dijî hiqûqa navnetewî ye.
Platforma ol û Baweriyan a Mezopotamyayê: Binçavkirina endamên şandeyê şaştiyeke dîrokî ye
Platforma Baweriyan a Mezopotamyayê, têkildarî destgîrkirina endamên Şandeya aştiyê daxuyaniyek da û got ku binçavkirina endamên Şandeya Aştiyê li balafirgeha Hewlêrê şaşitiyeke dîrokî ye.
Platforma bang li PDK’ê kir ku xwedî li sekna Kurdistanî derkeve û xwe li aliyê rast deyne.
