Rûsyayê êrîşî bajarê Çenîhîvê ya Ukraynayê kir û di encama vê yekê êde herî kêm 10 kesan jiyana xwe ji dest dan.
Rayedarên Ukraynayê ragihandin ku ji ber êrîşê avahî û binesaziyên sivîlan zirarek mezin ditiye.
Serokê Ukraynayê Vladimir Zelenskiy, piştî êrîşa li ser Çernîhîvê, di daxuyaniya xwe ya li ser malpera xwe ya Telegramê de banga ‘biryarbûn û piştgirîya têr ji bo hevkarên rojavayî’ kir.
Li aliyê din gorî daxuyaniya rayedarên Ûkraynayê ji destpêka êrîşa Rûsyayê û heta niha nêzî 37 hezar sivîl û leşker winda ne.
Rûsya êrîşî bajarê Çernîhîvê ya Ukraynayê kir.
Rayedarên Ukraynayê ragihandin ku di êrîşa moşekî ya ku li gorî wan ji aliyê hêzên Rûsyayê ve hatiye kirin de herî kêm 10 kesan jiyana xwe ji dest dane.
Hat diyarkirin ku di êrîşa li bajarê bakurê Ukraynayê de avahî û binesaziya şaredariyê jî zirar dîtiye.
Li gorî nûçeya Reutersê, Alîkarê Şaredar Oleksandr Lomako ragihand ku li navçeyeke qelebalix a bajêr 3 teqîn çêbûn û avahiyeke pirqatî ya li herêmê jî hat armanckirin.
Lomako ji kanala televizyona Ukraynayê re axivî û got:
“Mixabin, Rûsya kiryarên terorîstî yên li dijî sivîlan û binesaziya sivîlan didomîne, ku careke din li Çernîhîvê hat piştrastkirin.”
Piştî êrîşê Zelensky banga piştgiriyê kir
Lomako diyar kir ku li Çernîhîvê gelek avahî, binesazî û gelek wesayîtên taybet zirar dîtine.
Waliyê herêmê Vyacheslav Chaus (YAŞESLAV ÇAUS) jî di daxuyaniya xwe ya derbarê mijarê de diyar kir ku herî kêm 9 kesan jiyana xwe ji dest dane û zêdeyî 20 kes jî birîndar bûne.
Di daxuyaniya ku ji aliyê Nexweşxaneya Herêmî ya Çernîhîvê ve hat dayîn de hat diyarkirin ku ji birîndaran 18 kes li nexweşxaneyê di bin tedawiyê de ne.
Serokê Ukraynayê Vladimir Zelenskiy, piştî êrîşa li ser Çernîhîvê, di daxuyaniya xwe ya li ser malpera xwe ya Telegramê de banga ‘biryarbûn û piştgirîya têr ji bo hevkarên rojavayî’ kir.
Zelenskiy got,
“Eger Ukrayna bi têra xwe alavên parastina hewayî werbigirta û biryardariya cîhanê ya li hember terorîzma Rûsyayê têr bikira, ev yek nedibû.”
Zelensky zagona seferberiyê îmze kir
Her wiha serokê Ukraynayê Volodymyr Zelenskiy qanûna ku şert û mercên seferberiya leşkerî li wî welatî tundtir dike pejirand.
Li ser malpera Parlamentoya Ukraynayê hat diyarkirin ku Zelenskiy ji bo ku hin mijarên seferberî, qeydkirin û xizmeta leşkeriyê baş bikin qanûna nû ya seferberiyê îmze kiriye.
Zagon dê piştî mehekî weşana fermî bikeve meriyetê.
Parlamentoya Ukraynayê di 11ê Nîsanê de pêşnûmeya ku şert û mercên seferberiya leşkerî tundtir dike qebûl kiribû.
Ukrayna: 37 hezar sivîl û leşker winda ne
Li aliyê din gorî daxuyaniya rayedarên Ûkraynayê ji destpêka êrîşa Rûsyayê û heta niha nêzî 37 hezar sivîl û leşker winda ne.
Komîserê mafên mirovan ê Ûkranynayî Dmytro Loubinets hejmara windahiyên şer di hesabê xwe yê Facebookê parve kir û got:
“Nêzîkî 37 hezar zarok, sivîl û leşker wenda ne. Dibe ku ev hejmar zêdetir be.”
Loubinets da zanîn ku serjimêrî hîn jî berdewam e.
Ji destpêka êrîşa Rûsyayê ya di 24’ê Sibata 2022’yan de bi deh hezaran sivîl û leşker mirin.
Lê, li ser vê mijarê bîlançoya giştî ya pêbawer tune.
Pêvajoya tespîtkirina nasnameya miriyan an jî windayan dibe ku bi mehan bidome.
Zelensky: Heman piştgiriya alîkariyê bo Îsraîlê bidin Ukraynayê
