Meclisa Giştî a PYD’ê bi daxuyaniyekê salvegera 7’an serkeftina Berxwedana Kobanê pîroz kir û got, “gelê birêxistinkirî dikare li hemberî hemû êrişan bisekine.”
PYD’ê destnîşan kir ku serkeftina Berxwedana Kobanê hêviyên gel zindî kir û dê di bîra Kurdan de her zindî bimîne.
PYD’ê diyar kir ku rizgarkirina Kobanê qonaxeke dîrokî ya girîng bû û îsbat kir ku gelê Kurd bi yekitiyê dikare hêviyên xwe pêk bîne û ev yekitî li Kobanê dest pê kir.
PYD’ê îşaret bi girîngiya hevgirtin û rêxistinbûyîna gel kir û got, gelê birêxistinkirî dikare li hemberî hemû êrişan bisekine.
PYD’ê di dewma daxuyaniya xwe de wiha got:
“Dê bi ruhê serkeftina Kobanê serkeftinên din werin bidestxistin.
Kobanê bû destpêka Kurdên ku ji bo xwe şer dikin û nakeve xefika dijminan û xwedî li nirxên mirovahiyê derdikeve û îro cîhan li hember lehengiya li Kobanê heyran ma.”
Serkeftina Kobanê bû sembola berxwedana mirovên azad û ji dijminan re bû kabûs.
Ji wê rojê û vir ve, dijmin Kobanê dikin hedef.
