Kampanyaya hashtagê ya Rêveberiya Xweser a Bakur û Rojhilatê Sûriyê dewam dike.
Çalakger, siyasetmedar û çalakvanên medyaya dîjîtal girîngî da fedakariyên di oxira serkeftina Şoreşa 19’ê Tîrmehê de hatine dayîn û jiyana hevbeş a li herêmê.
Rêveberiya Xweser a Bakur û Rojhilatê Sûriyê ji bo naskirina Rêveberiya Xweser kampanyaya hashtagê dabû destpêkirin.
Kampanyayê doh saet 8’ê êvara dest pê kir.
Hemwextî salvegera 11’an a destpêkirina Şoreşa 19’ê Tîrmehê bi hashtaga #Status4NorthAndEastSyria Rêveberiya Xweser hemle da destpêkirin.
Di hemleyê de nûner û hevserokên saziyên Rêveberiya Xweser ên sivîl û leşkerî, rewşenbîr, hunermend û çalakvanên medyaya dîjîtal beşdar bûn.
Kampanyaya hashtagê dewam dike û çalakvan diyar dikin ku divê fedakariyên keç û xortên Bakur û Rojhilatê Sûriyê yên ku çeteyên DAIDê têk birin werin naskirin.
Hemleya hashtagê îşev bi dawî dibe.